Monday, March 30, 2015

”ஏன் ஹிஜாப்?” போட்டி கட்டுரைகள் சிறு தொகுப்பு


சமீபத்தில் இஸ்லாமியப் பெண்மணி தளம் நடத்திய “ஏன் ஹிஜாப்?” போட்டியில் பங்கெடுத்து ஆறுதல் பரிசு வென்ற கட்டுரைகளின் முத்தாய்ப்பான ஒரு சில கருத்துகளின் தொகுப்பு:

சகோதரி ஆசியா



According to my understanding HIJAB is not only a dress code,

Hijab is a total package that deals with clothing behavior and demeanor it emphasizes the concept of decency and modesty.

“Once I was in shopping mall, a guy wearing suit and coat who was working in the store came to me and asked if I was not feeling hot in that dress (hijab/veil). I asked him how about if the same ask to him a lady who is wearing a “SHORT SKIRT” because she feels hot in three pieces. He replied that since I am a manager, my company CEO wants to see this way. I smiled and answered him politely in the same way:

“I was instructed by my CEO my lord (Allah s.w.t) to full fill the concept of modesty. It gives me respect, protection and elevates my position”

He was so impressed and agreed with my answer. Once again I am proud to say happily that

“I AM A MUSLIM - HIJAB is my identity and armour to my beauty” 


சகோதரி பிஸ்மி ஜொஹரா 


இது ஒரு சாதாரண துணியினாலான உடை மட்டுமல்ல.. பெண்களுக்கான மிகப்பெரிய தற்காப்பு ஆயுதம். உடலை மறைத்து, அந்நியர்களின் அசிங்க பார்வை படாமல் காப்பதோடு, என் உள்ளத்தைத் தூய்மையாக வைக்கவும் இது பெரிதும் உதவுகிறது.

நான் ஒரு பொது இடத்தில் பணிபுரிபவள். இளைஞர்கள், சிறுவர்கள், ஆண்கள், பெண்கள் என பலதரப்பட்ட ஆட்கள் வந்து போகும் இடத்தில் இருக்கிறேன். எந்நேரத்திலும் என்னுடைய ஹிஜாபை நான் கழற்றியதில்லை. அங்கங்கள் மறைத்து, இறுக்கமான பர்தாவை தவிர்த்து முழுமையாக முடியை மறைத்து அந்தஸ்தான உண்மையான ஹிஜாபை அணிகிறேன். அல்ஹம்துலில்லாஹ்.

நான் சுமார் 4 வருடங்களாக இந்த இடத்தில் தான் பணிபுரிகிறேன். இதுவரையில் ஒருவர் கூட என்னிடம் கண்ணியமற்ற முறையில் நடந்துகொண்டதோ, என் உடல் கூசும்படியாக பார்த்ததோ கிடையாது. மேலும் சொல்லப்போனால் பலரால் நான் மதிக்கப்படுகிறேன். காமப்பார்வையோ, அசிங்கமான பார்வையோ இதுவரையில் என்மீது பட்டதே இல்லை. ஹிஜாப் என்னை கண்ணியப்படுத்தியுள்ளது.

ஒருவேளை நான் ஹிஜாப் அணியாமல் அந்தஸ்து அல்லாத உடையில் திரிந்திருந்தால், மற்றவர்களால் நான் தொந்தரவு செய்யப்பட்டிருப்பேன். என்னால் பணிபுரியவே முடிந்திருக்காது. என் வாழ்க்கையில் நான் சாதிக்க வேண்டும் என்ற எண்ணத்தை நான் அழித்திருப்பேன். அல்லாஹ் பாதுகாவலன்.

இவ்வாறாக, ஹிஜாப் என்பது வாழ்வில் சாதிக்க வேண்டும் என்று எண்ணும் பெண்களுக்கு அந்நியர்களால் தொந்தரவோ எந்த சஞ்சலமோ ஏற்பட்டுவிடாமல் பாதுகாக்கும் ஒரு ஆயுதம். அது இல்லையெனில், சாதனை கனவுகளை முறியடித்து முடங்கிக் கிடக்க வேண்டியது தான். இது அடக்குமுறை அல்ல. வாழ்வில் வெற்றி பெற கயவர்களால் ஏற்படும் தடையை உடைக்க வல்ல ஆயுதம்.

பேருந்தில் பயணம் செய்யும்போது இடப்புற இருக்கைகளில் தான் பெண்கள் இடம் இருக்கும் என்பது அனைவருக்கும் தெரியும். பெரும்பாலான பெண்கள் புடவை தான் உடுத்துகிறார்கள். புடவையில் இடப்புறம் இடுப்பு, அங்கங்கள் தெரியும்படி உடுப்பவர்கள் பேருந்தில் இடப்புற பெண்கள் சீட்டில் ஜன்னல் பகுதியில் அமரும்போது, ஒவ்வொரு பஸ் ஸ்டாப்பில் வரும்போதும் ஸ்டாப்பிங்கில் நிற்பவர்கள் ஒவ்வொரு பெண்களையும் எப்படி ரசித்து காம ஆசையுடன் பார்க்கிறார்கள் என்பது நின்றுகொண்டு பயணம் செய்பவர்களுக்குத் தான் தெரியும். அதை பார்க்கும்போது நமக்கே உடல் கூசும்.

நூறு ஆண்களுக்கு மத்தியில் நான் நடந்தாலும் முன்னும் பின்னும் ஆயிரம் அண்ணன்மார்கள் ஒரு தங்கைக்கு தரும் பாதுகாப்பை அளிக்கிறது இந்த அன்பான ஹிஜாப். என் மூச்சு நின்று வெள்ளைத் துணி கட்டப்பட்ட பின்பே இது என்னை விட்டு விலக வேண்டும் என்ற குறிக்கோளுடன் வாழ்கிறேன். இன்ஷா அல்லாஹ்.


சகோதரி  ஜலீலா  கமால் 


ஹிஜாப்/புர்கா/பர்தா


ஹிஜாப் (hijab ) என்னும் வார்த்தை அரபியின் ஹஜபா ( hajaba) என்னும் வார்த்தையில் இருந்து வந்தது. ஹஜபா என்றால் பார்வையில் இருந்து உடல் கன பரிணாமங்களை (conceals a figure) மறைத்துக் கொள்வது என்ற பொருள்படும்.

பெண்குழந்தைகளுக்கு சிறிய வயதில் இருந்தே அவர்களை நாகரீக உடை   அணிந்து அழகு பார்க்காமல் முழுமையான ஹிஜாபையே பேணும் வண்ணம் ஆடை அணிய கற்றுக் கொடுக்கவேண்டியது ஒவ்வொரு பெற்றோரின் கடமையாகும்.

 //ஒரு சின்ன சம்பவம்: ரோட்டில் தினம் நடந்து செல்லும் போது வண்டிகள் அதிகம் வரும் என்று சின்ன குறுக்கு சந்தில் நுழைந்து செல்வேன், தினம் அந்த வழி தான் செல்வேன், அங்கு நிறைய கம்பெனிகளில் பின்புற வழியில் சிலர் கண்டெயினரில் சாமான்களை ஏற்றி கொண்டு இருப்பார்கள்; சிலர் போர்க் லிஃப்டில் அட்டை பெட்டி சாமான்களை ஏற்றி கொண்டு இருப்பார்கள்; சிலர் கூட்டமாகப் பேசிக் கொண்டு இருப்பார்கள். இவை எதுவுமே என் கண்ணில் படாது. நான் இரவு உணவுக்கு என்ன தயாரிப்பது, அடுத்த வேலைகள் என்னென்ன இருக்கிறது?,  லான்ட்ரி கடைக்காக என்ன செய்யனும், யாருக்கு போன் செய்யவேண்டிள்ளது  என அதை பற்றி யோசித்து கொண்டு செல்வேன்.  திடீரென்று ஒரு நாள் நடந்து கொண்டு அதே வழியில் போய் கொண்டு இருக்கும் போது அந்த அனைத்து நினைவுகளும் கலைந்து ரோட்டில் கவனம் சென்றது. ஐய்யோ இத்தனை பேர் மத்தியிலா  நடந்து போகிறோம் என  திடுக்கிட்டாலும் , ஆம் நாம் தாம் முழு ஹிஜாபில் இருக்கிறோமே? என்ன பயம் என்று சட்டுன்னு ஒரு பெரிய தைரியம். அதுவும் ஒரு மாகாராணி போலவே நான் நடந்து செல்வதைப் போலவும் உற்சாகமாக நடந்தேன்.  ஹிஜாப் அணிந்து செல்வதின் பலனையும் முழுமையாக உணர்ந்தேன். இதே அரை குறை ஆடையில் சென்றிருந்தால் அனைவரின் பார்வையும் என்னை நோக்கி தான் இருந்திருக்கும். அன்று அந்த நிமிடம் அல்லாஹ்வே உலகில் உள்ள முஸ்லீம் பெண்களும் தங்கள் ஹிஜாபை முழுமையாக பேண கிருபை செய்வாயாக என்று துஆ கேட்டுக்  கொண்டு மீண்டும் என் நினைவுகளுடன் வீட்டைநோக்கி நடந்தேன்.//

நபியே! நீர் உம் மனைவிகளுக்கும், உம் பெண்மக்களுக்கும் ஈமான் கொண்டவர்களின் பெண்களுக்கும், அவர்கள் தங்கள் தலைமுன்றானைகளைத் தாழ்த்திக் கொள்ளுமாறு கூறுவீராக அவர்கள் (கண்ணியமானவர்கள் என) அறியப்பட்டு நோவினை செய்யப்படாமலிருக்க இது சுலபமான வழியாகும். மேலும் அல்லாஹ் மிக மன்னிப்பவன்; மிக்க அன்புடையவன்.
அல் குர் ஆன் (33: 59) 

இன்னும்; முஃமினான பெண்களுக்கும் நீர் கூறுவீராக அவர்கள் தங்கள் பார்வைகளைத் தாழ்த்திக் கொள்ள வேண்டும்; தங்கள் வெட்கத் தலங்களைப் பேணிக்காத்துக் கொள்ள வேண்டும்; தங்கள் அழகலங்காரத்தை அதினின்று (சாதாரணமாக வெளியில்) தெரியக் கூடியதைத் தவிர (வேறு எதையும்) வெளிக் காட்டலாகாது இன்னும் தங்கள் முன்றானைகளால் அவர்கள் தங்கள் மார்புகளை மறைத்துக் கொள்ள வேண்டும்; 
அல் குர் ஆன்  ( 24: 31).


சகோதரி சில்மியா பானு 


கீழ்த்தர பார்வை என் மீது பட்டதில்லை
அந்நிய கைகள் என்னை தொட்டதில்லை
உண்மையில் நானே சுதந்திர பறவை
விண்ணில் பறக்கும் என் சிறகே "ஹிஜாப்"
அபயத்தை அளிக்கும் கவசமே "அபாயா"".

போலிஸ்: எல்ஜமால்

எல்ஜமால் என்ற பெண்மணி ஸ்வீடன் நாட்டில் ஹிஜாப் அணிந்த முதல் போலிஸ் பெண்மணி ஆவார். இவர் இஸ்லாமியப் பாரம்பரிய ஹிஜாபை  தன் எதிர்காலத்தின் தடையாக என்றுமே நினைக்காமல் அதனை எப்போதும் உயர்வாகவே நினைத்துவருகிறார்...

பைலட்: ஹனடி ஜகரியா ஹந்தி 

ஹனடி ஜகரியா ஹந்தி என்பவர் சவுதியின் பெண் பைலட் ஆவார். இவர் தன் கனவை வெளிப்படுத்தினார். அதனால் அந்த நாட்டு இளவரசர் அல் வலித் பின் தலால் ராஜ்யத்திற்கு தனியார் விமானத்தின் விமானியாக 10 வருட ஒப்பந்தம் இவருக்குக் கிடைத்துள்ளது..

டாக்சி டிரைவர்: ஆமி நடியானே

இவரும் இஸ்லாமியப் பெண்மணிதான்.  இவரின் சொந்த ஊர் செனிக்கல். இவர் டாக்சி டிரைவராக  வேலை செய்து வருகிறார்.. (ஹிஜாப் அணிந்தவராக).. 

ஹிஜாபால் கவரப்பட்டு இஸ்லாத்தைத் தழுவிய முன்னாள் நடிகை மோனிகா

”ஹிஜாப் என்னை பாதுகாத்தது –இதுதான் எனது மன, மத மாற்றத்திற்குறிய காரணமாகும்” இஸ்லாத்தை தழுவிய பிரபல நடிகை மோனிகா – ரஹீமா.

டாக்டர் சனா அலி சொன்னது

”எனது நோயாளிகள் என் தலைக்குள் என்ன இருக்கின்றது என பார்க்கின்றார்களே தவிர என் தலைக்கு மேல் அல்ல.!

ஹிஜாப் என் அடையாளம்..”

கம்ப்யூட்டர் சயிண்டிஸ்ட்: பாத்திமா பின்த் கஃராஷ் 

பாத்திமா  இவர்  துனிசியா நாட்டை சேர்ந்தவர் (அறிவுக்கும் அழகுக்கும்) 2014ல் முஸ்லிம்  பெண்களுக்கிடையில் நடந்த நிகழ்ச்சியில் முதல் இடத்தை பிடித்தவர்...

பெண்களுக்குக் கடமைகள் இருப்பதுபோல அவர்களுக்கு உரிமைகளும் சிறந்த முறையில் உள்ளன. (அல்குர்ஆன் 2:228)

பாருங்கள்  எங்கள் இஸ்லாம் கொடுத்துள்ள பாதுகாப்பையும் சுதந்திரத்தையும்.

சகோதரர் ஷேக் நஸ்ருதீன்  


மனிதனின் வாழ்க்கையில் மிகமுக்கியமானது  உடல்,உயிர், உடை உணவு ஆகியவையாகும். ஆனால் அவற்றைப் பாதுகாக்க கண்ணியமும் பாதுகாப்பும் மிகமிக அவசியமானது.  அனைத்து உறுப்புகளும் வெளியில் தெரியும்படி இருந்தால் என்ன? என்று ஒருவர் வினவினால் அது அவரின் அறியாமையின் வெளிப்பாடு. பென்சிலை ஏன் சீவுகிறீர்கள்? எழுதுவதற்கும் படம் வரைவதற்கும் பென்சிலை சீவினால்தான் சாத்தியமாகும்.

மனிதனின் புற உறுப்புகளைப்போன்று மறைவான உறுப்புகளும் உள் உறுப்புகளும் இருந்தால் மனிதனின் தோற்றம் விகாரமாக அவலட்சணமாகக் கண்ணியமில்லாமல் காட்சி தரும். உறுப்புகளை இயக்குவதற்கு உயிர் அவசியம், கண்ணியத்தைத் தருவதற்கு ஆடை அவசியம். பெண்ணிற்கு முழுமையாகத் தருவதற்கு பர்தா மிகமிக அவசியம்.

மனிதனின் ஒவ்வொரு உறுப்புகளும் வெவ்வேறு தன்மையில் அவனைப் பாதுகாக்கிறது. அவ்வுறுப்புகளின் இருப்பிடமும் வெவ்வேறாகும். கண்,காது,மூக்கு,வாய்,தலை வெளிப்படையாகவும்,மறைவான உறுப்புகளை ஆடையினால் மறைத்தும் இதயம்,கிட்னி,மூளை,கல்லீரல்,கர்ப்பப்பை, போன்ற உள்ளுறுப்புகள் வெளியில் தெரியாவண்ணம் மிகமிக பாதுகாப்பாக மனிதனுக்குள் வைத்தும் பாதுகாக்கபடுகின்றன.அவ்வாறு இருந்தால்தான் மனிதனுக்குஅழகும்,கண்ணியமும், கம்பீரமும்,பாதுகாப்பும் தரும். இதற்கு மாற்றமாக எல்லா உறுப்புகளும் வெளியில் தெரியும்படி இருந்தால் கற்பனையிலும் எண்ணிப்பார்க்க முடியாதவாறு விகாரமாக,அலங்கோலமாக இருக்கும்.

கண்ணியம் என்பது மேற்கத்திய நவநாகரீக ஆடையில் வருவதல்ல, எது கற்பையும் கண்ணியத்தையும் முழுமையாகப் பாதுகாக்கிறதோ அதுவே சிறந்த ஆடை..கல்வி இல்லாமல் கூட ஒருவன் உயிர் வாழலாம். ஆனால் ஆடையில்லாமல் நிர்வாணமாயிருப்பதும்,  பர்தா இல்லாமல் இருப்பதும் சிக்னலே இல்லாத ஹைவேயைப் போன்று ! என்றும் ஆபத்தாய் முடியும் என்பதே மறுக்க முடியாத உண்மை.

சகோதரி உம்மு உமாரா  


ஹிஜாப் பெண்களை  அடிமைப்படுத்துகிறதாம்? அப்படி என்றால் அதை அணியக்கூடிய நாங்களல்லவா அதைச் சொல்லவேண்டும்? ஹிஜாப் அணிவதைத் தடை செய்யும் இடங்களில், முதலில் அத்தடையை எதிர்ப்பவர்கள் யார்? ஹிஜாப் அணியும் பெண்கள் தானே? இதிலிருந்து புரியவில்லையா அதன் மகிமை ?

தேன் இருக்கும் பாத்திரத்தை மூடிவைக்காமல்   திறந்து  வைத்துக்கொண்டு  எறும்பு விழாமல் அதைக் காப்பது எவ்வாறு சாத்தியமற்றதோ அதை போன்றுதான் பெண்களின் அங்கங்களைத் திறந்து வைத்துக்கொண்டு  சீரழிவுகளிலிருந்து பெண்ணினத்தைப் பாதுகாப்பதும்  
சாத்தியமற்றது  என்பதை அறிவாளிகள் உணர்வார்கள். கண்ணிற்குள் தூசி விழுந்து விடாமல் அனுதினமும் காக்கின்றது கண்ணிமை. அது போல் சமுதாயத்தின் கண்மணியான பெண்மணியைக் காக்கின்றது ஹிஜாப். பெண்ணிற்கு ஹிஜாப் சுமை என்று சொல்பவர்கள் கண்ணிற்கு இமை சுமை என்று சொல்வார்களா?

படைத்த இறைவனுக்கே அல்லாமல்  எவருக்கும் தலை வணங்காத முஸ்லிம்களாகிய நாங்களா அடிமைத்தனத்தை விரும்பி எடுத்துக்கொள்வோம்? சிந்தியுங்கள் மக்களே! 

read more "”ஏன் ஹிஜாப்?” போட்டி கட்டுரைகள் சிறு தொகுப்பு"

Monday, March 23, 2015

நான் புர்காவிற்கு மாறிய கதை - யோவான் ரிட்லி (பகுதி-1)

(தாலிபானால் சிறைபிடிக்கப்பட்ட யோவான் ரிட்லி எனும் ஆங்கிலப் பெண்பத்திரிக்கையாளர், தாலிபான் வாயிலாகவே தான் இஸ்லாத்தின் பால் ஈர்க்கப்பட்டதை விவரிக்கிறார்.  முஸ்லிம் பெண்கள் மீதான உலகின் பார்வையையும் தன் பார்வையையும் சுவைபட விவரிக்கிறார்.)

உலகம் காணும் முஸ்லிம் பெண்கள்:



முகத்திரைக்குள் இருக்கும் முஸ்லிம் பெண்களைக் குறித்து எதுவும் அறியாமலேயே இஸ்லாத்தில் பெண்கள் அடிமைப்படுத்தப்படுவதாகப் எழுதுவதில் அரசியல் துறைக்கும் ஊடகத்துறைக்கும் அத்தனை ஆனந்தம்!! 1400 வருடங்களுக்கும் மேலான பழமைவாய்ந்த இஸ்லாத்தில் பெண்களுக்கு அளிக்கப்பட்டிருக்கும் கண்ணியத்தையோ பாதுகாப்பையோ பற்றி கிஞ்சித்தும் அறியாதவர்கள் அவர்கள். குழந்தைத் திருமணம், பெண்கள் கத்னா, கருணைக்கொலை, கட்டாயத்திருமணங்கள் என்று முஸ்லிம்களிடையே நிகழும் கலாச்சார நிகழ்வுகளைக் கொண்டு இஸ்லாத்தைக் குறித்துத் தாமாகவே தவறான அறிவை வளர்த்துக்கொள்கின்றனர். இஸ்லாத்தில் பெண்கள் அடிமைப்படுத்தப்படுவதற்குத், தன்னாட்டு பெண்களுக்கு வாகனங்கள் ஓட்டும் உரிமையை வழங்க மறுத்த சவூதி அரேபியாவை அவர்கள் உதாரணம் கூறுவதிலிருந்தே அவர்களது அறியாமை எனக்கு நன்கு புலப்படுகிறது.

மேற்கூறப்பட்ட நிகழ்வுகள் உள்பட ஒரு சமூகத்தில் நிலவும் கலாச்சாரங்களைக் கொண்டு அதன் மக்கள் பின்பற்றும் மார்க்கத்தைப் பழித்துக் கொண்டிருக்கிறார்கள். அங்ஙனம் அவ்விரண்டையும் ஒன்றொடொன்று ஒப்பிட்டு குழப்பிக்கொள்ளாதீர்கள் எனக் கேட்டுக் கொள்கிறேன்.

முஸ்லிம்கள் தமது மனைவிகளை அடிக்கவும் துன்புறுத்தவும் இஸ்லாம் அனுமதித்திருக்கிறது என்று இல்லாத ஒன்றைப் பற்றி எழுதச் சொன்னால் நான் என்ன எழுதுவது? இது போன்ற தவறான கருத்துகளுக்கு ஆதரவாக இஸ்லாமிய எதிர்ப்பாளர்கள் சிலர் மேம்போக்காகக் குர் ஆனிய வசனங்கள் மற்றும் ஹதீஸ்கள் சிலவற்றைச் சுட்டிக்காட்டுகின்றனர். ஆனால் அவற்றின் முழு பொருளடக்கத்தை மறைத்தும்விடுகின்றனர். நம்மில் பலர் அறியத் தவறிய குர் ஆனின் கூற்றை இங்குக் கூறிக் கொள்ள விரும்புகிறேன்எந்த பெண்ணின் மீதும் சிறு காயமேற்படுத்துவதையும் இஸ்லாம் அடியோடு தடுக்கிறதுஎன்பதே அவ்வுண்மையாகும்.


உலகிலுள்ள அனைத்து பெண்களின் நிலை:


நிச்சயமாக அனைவரும் அறிந்துகொள்ள வேண்டிய சில புள்ளிவிபரங்களை உங்களோடு பகிர்கிறேன். National Domestic Violence Hotline எனும் அமைப்பின் தகவல்களின்படி,

## ஒரு வருடத்தில் ஒன்றல்ல இரண்டல்ல நான்கு மில்லியன் அமெரிக்கப்பெண்கள் தமது வாழ்க்கைத்துணைகளால் துன்புறுத்தப்படுகின்றனர்.
## கணவன்மார்களால் அல்லது ஆண் நண்பர்களால் தினமும் கொல்லப்படுபவர்கள் சராசரியாக மூன்று பேர்.
## 9/11 க்குப் பிறகு 5500 பெண்கள் இவ்வாறு கொல்லப்பட்டுள்ளனர்.

 
இவை போன்ற தகவல்கள் உங்களுக்கு அதிர்ச்சியை ஏற்படுத்துபவையாக இருக்கலாம். நான் இதன்மூலம் சொல்லவருவது என்னவென்றால், வன்செயல்கள் என்பவை உலகம் முழுவதும் பரவலாகக் காணப்படும் ஒரு அநீதியாகும். வன்முறையாளர்கள் என்பவர்கள் ஒரு குறிப்பிட்ட மதத்தினரையோ வகுப்பினரையோ மட்டும் சேர்ந்தவர்கள் அல்லர். உலகம் முழுவதிலும் மூன்றில் ஒரு பெண் அவளது வாழ்நாளில் அடிக்கப்பட்டோ கற்பழிக்கப்பட்டோ அல்லது வேறு வகையிலோ துன்புறுத்தப்படுகிறாள் என்பதே உண்மை. பெண்களுக்கெதிரான வன்முறை என்பது மனிதர்களின் மதம், செல்வம், வகுப்பு, நிறம் மற்றும் கலாச்சாரம் என அனைத்திற்கும் அப்பாற்பட்டது என்ற உண்மை இப்பொழுது வெளியாகிவிட்டது.

இஸ்லாம் என்ற ஒன்று மனிதர்களிடையே அறிமுகப்படுத்தப்படும் வரை பெண்கள் ஆண்களை விட தரம் தாழ்த்தப்பட்டவர்களாகவே நடத்தப்பட்டனர். இன்றும் மேற்குலகில் ஆண்கள் தம்மைத்தாமே மேம்படுத்தப்பட்டவர்களாக கூறிக்கொள்கின்றனர். அதன் அடிப்படையிலேயே அனைத்து வித பணியிடங்களிலும் பெண்களைவிட அவர்களுக்கு அதிக ஊதியம் வழங்கப்படுகிறது என்பதை யாரும் மறுக்கமுடியாது.

இன்றைய வர்த்தகத்தில் சந்தைப்பொருளாகவும் பாலியல் துறையில் அடிமைகளாகவுமே இன்று மேற்குலகில் பெண்கள் விளம்பரத்தப்படுகின்றனர். நான் முன்பே கூறியது போல்
@பெண்களுக்கெதிரான பாலியல் வன்முறைகள் பெருகிவிட்டதானதாகவும்
@ஆண் பெண் சமம் என்ற ஒரு மாயை நிறைந்ததாகவும்
@மார்பளவுகளைக் கொண்டே ஒரு பெண்ணின் சக்தியும் ஆளுமையும் கணக்கிடப்படும் வெட்கங்கெட்ட ஒர் இடமாகவுமே 
இச்சமுதாயம் திகழ்கிறது.

நான் காணும் முஸ்லிம் பெண்கள்:


நானும் முன்பு முகத்திரையிட்ட பெண்களை ஒன்றுமறியாதவர்களாகவும் ஒடுக்கப்பட்டவர்களாகவும் நினைத்திருந்தேன். செப்டம்பர் 2011ல் நான் புர்கா அணிந்து ஆப்கானிஸ்தானில் நுழைந்த குற்றத்திற்காக தாலிபான்களால் கைதுசெய்யப்பட்ட அனுபவத்திற்குப்பின் தான் முந்தைய என்னுடைய பார்வை முற்றிலும் தவறு என அறிந்துகொண்டேன். இன்று அவர்கள் பல்வேறு திறன் படைத்தவர்களாகவும் தடைகளைத் தகர்த்தெறியக்கூடிய பெண்களாகவும் இருப்பதையே காண்கிறேன். முஸ்லிம் பெண்களிடையே ஒளிரும் சகோதரத்துவம்மேற்கத்திய பெண்ணீயத்தை வெளிரச்செய்துவிட்டது. 

நான் பத்து நாட்கள் சிறைத்தளத்தில் இருந்த போது எனக்கும் தாலிபான்களுக்குமிடையே ஓர் ஒப்பந்தம் ஏற்படுத்தப்பட்டது. அவர்கள் என்னை விடுவித்தால் நான் குர் ஆனையும் இஸ்லாத்தையும் பற்றி கற்றறிந்துக் கொள்ள வேண்டுமென்பதே அவ்வொப்பந்தமாகும். ஆச்சரியம்…. அந்த ஒற்றை விதியின் பேரிலேயே ஒருமனதாக என்னை  விடுதலை செய்தனர். நன்றிக்கடனாக என் வார்த்தையைக் காப்பாற்றினேன். மேலும் பத்திரிகைத்துறையைச் சேர்ந்த ஒரு நபராக, வாழ்வின் வழிகாட்டியாகத் திகழும் ஒரு மார்க்கத்தைக் குறித்து, நான் அதிகம் அறிந்துகொள்ள ஆவல்கொண்டேன்.

என் பிடியில் தாலிபான்??:

தாலிபானைச் சந்திக்கச் செல்லும் யோவானுக்குத்
தன் துப்பாக்கியை அளிக்கும் பாகிஸ்தான் அதிகாரி

நான் ஏதோ ஸ்டாக்ஹோம் சிண்ட்ரோம், அதாவது கைது செய்தவர்களின் மீது ஏற்பட்ட பச்சாதாபத்தினால் அவர்கள் மேல் பரிதாபம் கொள்ளும், நோயாளி என எண்ணிகொள்ள வேண்டாம். ஏனெனில் தாலிபானின் பிடியில் நான் இருந்த போது அவர்களை அடித்தும் திட்டியும் சாபம் விட்டும் பழித்துக்கொண்டுமிருந்தேன். அவர்கள் தந்த உணவினை மறுத்து உண்ணாவிரதப்போராட்டம் மேற்கொண்டேன். இந்த காரணங்களால் உண்மையில் என்னை அவர்கள் விடுவித்தபோது அதிகம் மகிழ்ந்தது நானா அல்லது அவர்களா என்றே எனக்குத் தெரியவில்லை.

எனக்குக் கிடைத்த இஸ்லாத்தின் அறிமுகம்:


குர் ஆனும் ஒரு சாதாரண புத்தகம் என்றே நினைத்திருந்தேன். அதனைப் படிக்கத் துவங்கிய பின் அதில் ஆணும் பெண்ணும் இறைவழிபாட்டிலும் கல்வியிலும் மதிப்பிலும் சமமானவர்களாகக் கூறப்பட்டுள்ளதை அறிந்து வியந்தேன். தனது குழந்தையைப் பெற்றெடுத்து வளர்த்துப் பராமரிக்கும் ஒவ்வொரு முஸ்லிம் பெண்ணும் கண்ணியத்திற்குரியவர்களாகக் கருதப்படுகிறார்கள். குடும்பத்தலைவிகளாக இருப்பதை ஒவ்வொரு முஸ்லிம் பெண்ணும் மிகப் பெருமைக்குரியதாகக் காண்கின்றனர்.

மேலும் இறுதி இறைத்தூதர் முஹம்மது நபி (ஸல்) ஒரு வீட்டில் யார் அதிகம் மதிக்கப்பட வேண்டியவர்கள் என்ற கேள்விக்கு தாயே ஆவார் என்று மும்முறை வலியுறுத்திக் கூறியிருக்கிறார்கள். தாயின் காலடியிலேயே சொர்க்கம் இருப்பதாகவும் கூறியுள்ளார்கள். சிறந்த தாயாக இருக்கும் ஒரே காரணத்திற்காக,  எத்தனை பெண்கள் இத்தகைய பெருமையை அடைந்திருப்பார்கள்?

இத்தகைய காரணங்களால் அலுவலங்களில் பெரிய பெரிய பதிவிகள் வகிக்கும் பெண்களைப் போலவே வீட்டையும் குழந்தைகளையும் பராமரிக்கும் இஸ்லாமியப் பெண்கள் மீதான என் பார்வையிலும் எனக்கு மதிப்பும் மரியாதையும் பன்மடங்கு பெருகிவிட்டது.

இதற்குப் பின் வாரிசுரிமை, வரி, சொத்துரிமை, விவாகரத்துச் சட்டங்களைப் பற்றி அறிய முற்பட்டேன். விவாகரத்தின் போது முஸ்லிம் பெண்களுக்குரியதை அவர்கள் விரும்பினால் மட்டுமே விட்டுத்தரலாம் எனும் இஸ்லாமிய சட்டத்தைத் தான் இன்றைய மேற்கத்திய விவாகரத்திற்கான சட்டப்புத்தகம் பின்பற்றுகிறது என்று நினைக்கிறேன்.

எத்தனையோ திரை நட்சத்திரங்கள் தங்களுக்கிடையே போடும் விறுவிறுப்பான திருமண ஒப்பந்தங்களைப் பத்திரிக்கைகளில் பாராட்டும்போது வாய்மூடாமல் வியக்கிறோம். ஆனால் முஸ்லிம் பெண்களுக்குத் திருமண ஒப்பந்தம் இயற்கையாகவே கிடைத்த அழகிய வாய்ப்பு. அவர்கள் பணிக்குச் செல்வதும் அவர்கள் சம்பாதித்தவற்றை அவர்கள் செலவு செய்வதும் அவர்கள் சுய விருப்பத்திற்குட்பட்டதாகும். இதுவே ஆண்கள் தமது வருமானத்தைத் தம் குடும்பத்திற்காகச் செலவு செய்ய கடமைப்படுத்தப்பட்டுள்ளனர்.

1970களில் எவற்றையெல்லாம் வேண்டி அக்காலத்து பெண்ணீயவாதிகள் போராடினார்களோ அவ்வனைத்தையும் இஸ்லாம் அதன் பெண்களுக்கு  1400 வருடங்களுக்கு முன்பே வழங்கிவிட்டது. நான் முன்பே கூறியது போல் தாயையும் மனைவியையும் இஸ்லாம் கண்ணியப்படுத்துகிறது. நீங்கள் பணிக்குச் செல்லாமல் வீட்டில் இருக்க நாடினால் தாராளமாக இருந்து கொள்ளலாம். குடும்பத்தலைவியாகவும் உங்கள் குழந்தையின் முதல் ஆசிரியையாகவும் இருந்து கொள்வது உங்களுக்கு அளிக்கப்பட்ட பேருபகாரமாகும்.

பெண்களைக் கல்வி பயிலவும் விரும்பிய பணிகளைச் செய்து கொள்ளவும் வழிகாட்டும் அதே குர் ஆன், அச்செயல்களில் எதுவும் ஒரு முஸ்லிம் ஆற்ற வேண்டிய கடமைகள் எதிலிருந்தும் தடுத்துவிடக்கூடாது எனவும் அறிவுறுத்துகிறது. ஏனெனில் இறைவனின் பொருத்தத்திலேயே நம் வெற்றி அமைந்துள்ளது.


தொடரும்...

(ஆண்களின் கவலையும் என் கேள்வியும் இன்ஷா அல்லாஹ் அடுத்த பதிவில்....)
read more "நான் புர்காவிற்கு மாறிய கதை - யோவான் ரிட்லி (பகுதி-1)"