Monday, December 24, 2012

நீதி என்பது நிறம் பார்த்தா? மதம் பார்த்தா? வாழுமிடம் பார்த்தா?



எல்லாம் வல்ல அல்லாஹ்வின் திருப் பெயரால் துவங்குகிறேன்..

கடந்த சில தினங்களுக்கு முன் டெல்லியில் 23 வயதை சேர்ந்த மருத்துவ கல்லூரி மாணவி ஒருவரை ஓடும் பஸ்ஸில் சில மனித மிருகங்களால் பாலியல் பலாத்காரத்துக்கு உட்பட்டு மிகவும் பாதிப்புக்குள்ளான நிலையில் மருத்துவ மனையில் உயிருக்கு போராடிக் கொண்டு இருக்கும் செய்தி இந்தியாவையே பெரும் அதிர்ச்சிக்குள்ளாக்கி  நாட்டின் பல பகுதிகளிலும் உடனடி நடவடிக்கை எடுக்க கோரி ஆர்ப்பாட்டம், போராட்டம்,லோக் சபா, ராஜ்சபா சோகமயம் என்ற அளவுக்கு கொண்டு வந்துவிட்டது.

  • லோக்சபாவில் ஆக்ரோசமாக பேசிய பா.ஜ.க எதிர்த் தலைவர் சுஷ்மா சுவராஜ் பேசுகையில், இது ஒரு சாதாரண சம்பவம் அல்ல. இப்படிப்பட்ட சம்பவங்கள் தொடர்ந்து நடந்து கொண்டுதான் இருக்கின்றன. பலாத்காரத்தில் ஈடுபட்ட குற்றவாளிகளை தூக்கில் தொங்க விட வேண்டும். அவர்கள் யாருமே உயிருடன் இருக்கக் கூடாது. மறுபடியும் வாழ அவர்களுக்கு வாய்ப்பே தரக் கூடாது என்று மிகவும் வேதனையுடன் கூறியதாகவும்,
  • ராஜ்யசபாவில்  பேசிய நடிகர் அமிதாப் பச்சனின் மனைவி ஜெயா பச்சன்  "இந்த நாடாளுமன்றத்தில் உட்கார எனக்கு அவமானமாக உள்ளது என்றும் எல்லாம் இருக்கட்டும், இந்த கடும் பாதிப்பை சந்தித்துள்ள குடும்பத்துக்கு இந்த அரசோ அல்லது டெல்லி அரசோ முதலில் ஒரு இரங்கலை அல்லது வருத்தம் தெரிவித்ததா??? இந்த அவமானகரமான செயலுக்காக வருந்துகிறோம் என்று எந்த அரசாவது பகிரங்கமாக மன்னிப்பு கேட்டதா?. அடிப்படையில் நான் ஒரு கலைத் துறையைச் சேர்ந்தவள். இந்த சம்பவத்தால் நான் பெரிதும் பாதிக்கப்பட்டுள்ளேன் என்றும் சோக மழையை ராஜ்ய சபாவில் பொழிந்துள்ளார்.
  • சமூக ஆர்வலர் என்ற போர்வையில் உலா வரும் திரு. அண்ணா ஹாசரே அவர்களும் தன் கடும் கண்டனத்தை மற்றும் ஆர்ப்பாட்டக்காரர்களுக்கு தன் ஆதரவையும் தெரிவித்ததோடு, கற்பழிப்பு குற்றங்களுக்கு எதிரான விசாரணைக்கு விரைவு கோர்ட் அமைத்து ,கடுமையான சட்டம் மூலம் தண்டிக்க வேண்டும் என்றார்.
  • டெல்லி நகரம் கற்பழிப்புத் தலைநகரமாக மாறிவருவது வேதனையளிக்கிறது என்று டெல்லி முதல்வர் ஷீலாதீட்சித் தெரிவித்துள்ளார்.
  • இதனைத் தொடர்ந்து தமிழ் நடிகை ரோகிணி, நடிகர் அப்பாஸ் மற்றும் அவரது மனைவி எர்ரம்அலி மற்றும் அப்பாசின் இணையதள நண்பர்கள் அனைவரும் மெரீனா கடற்கரையில் திடீர் போராட்டத்தில் இறங்கியுள்ளனர். இதற்கு ஆதரவு தெரிவித்து மாணவ மாணவிகளும் அங்கே குலுமியுள்ளனர். மேலும் அவர்கள் ஆர்ப்பாட்டத்தில் கூறியதாவது, கற்பழிப்பு சம்பவங்களுக்கு எதிராக பாராளுமன்றத்தில் கொண்டு வரப்பட்ட மசோதாவை உடனடியாக நிறைவேற்ற வேண்டும். பள்ளிகளில் பாலியல் கல்வியை கற்றுத்தர வேண்டும் என்பது போன்ற கோரிக்கைகளை வலியுறுத்தி கோஷம் போட்டனர்.

கலைத்துறையாக இருக்கட்டும், அரசியல் துறையாக இருக்கட்டும், அரசாங்கமாக இருக்கட்டும், பொது மக்களாக இருக்கட்டும், உண்மையில் நீதிமான்களாக இருக்கின்ற உங்களின் மனதில் இருந்து இது போன்ற வருத்தமும், கடும் நடவடிக்கை எடுக்க வேண்டும் என்ற ஆதங்கமும் எழுந்து இருந்தால் இதை  இந்தியாவில் உள்ள எந்த மூலை முடுக்கிலும் நிகழும் இது போன்ற அனைத்து கொடூரங்களுக்கும் அல்லவா தெரிவித்து இருக்க வேண்டும். இன்று மட்டும் உங்கள் மனசாட்சி உங்களை தட்டி எழுப்பியதன் நோக்கம் என்னவோ???
இது போன்ற அட்டூழியங்கள் இன்று தொடங்கியது அல்ல, காலம் தொட்டு பெண்கள் இது போன்ற இடருகளுக்கு உள்ளாக்கபடுகிறார்கள். அதை கண்டும் காணாமல் அரசும், அரசியல்வாதிகளும் தங்கள் சொகுசு வாழ்க்கையில் ஈடுபடுவதும், தங்கள் வாழ்க்கை தரத்தை உயர்த்த திட்டம் தீட்ட தொடர்வதுமே வழக்கம்.
இன்று எழுந்த இந்த குரல் இதற்கு முன் எத்தனை எத்தனை அட்டூழியங்கள் பெண்களுக்கு என்று அல்லமால், ஒரு ஒட்டு மொத்த மக்களுக்கு எதிராக நடந்த போது எங்கே சென்றார்கள். இவர்கள்?  நீதிக் குரல் எதை பார்த்து எழுகிறது, மனிதனின் நிறத்தை பார்த்தா???, இல்லை வாழும் இடத்தை பார்த்தா??? இல்லை அவர்கள் எந்த மதம் என்பதை பார்த்தா??

அவர்கள் எதுவாக இருந்தாலும் மனிதனின் நிறம் வேறுபட்டாலும் எவ்வித பாகுபாடும் இன்றி அவர்களின் உடம்பில் ஓடும் இரத்தத்தின் நிறமும் சிவப்பு தானே, சிட்டியில் வாழ்ந்தாலும் பட்டி தொட்டிகளில் வாழ்ந்தாலும் பெண் என்பவள் பெண் தானே, மதம் எதுவாக இருந்தாலும் கிடைக்கும் வலி, வேதனை, அவமானம் ஒன்று தானே. யாராக இருந்தாலும் நீதி ஒன்று தான், நீதி என்பது அனைவர்க்கும் சமம் என்கின்ற சட்டம் எங்கே??? நீதி என்பது அனைத்து இடங்களிலும் பேசுவதில்லை என்பதற்கு பல இடங்களில் ஊமையாக இருந்துள்ளது என்பதை நிருபிக்க இதோ உங்கள் பார்வைக்காக சில தருணங்கள்....

குஜராத் இனப் படுகொலை :
இன்று நடந்த கொடூரத்திற்கு இவ்வளவு எதிர்ப்பும், போராட்டமும் தெரிவிக்கின்ற இந்த அரசாங்கமும், அரசியல் வாதிகளும், பொது மக்களும் எங்கே போய் விட்டனர் அன்று???

இன்று நல்லவர் வேஷம் போட்டு கோசம் போடும் இதே பா.ஜ.க அரசின் முன்னிலையில், சாதுர்யமான திட்டப்படி கடந்த 2002-ஆம் வருடம் குஜராத் இனப் படுகொலையின் போது 22 பெண்கள் மற்றும் சிறுமிகள் உட்பட கூட்டு பாலியல் வன்புணர்வுக்கு உட்படுத்தப்பட்டு, எட்டு மாதம் பருவமுடைய குழந்தை உள்பட 33 முஸ்லிம்களை உயிரோடு எரிவதை கண் சிமிட்டாமல் கண்டு ரசித்தனர் அந்த பாசிச பயங்கரவாதிகள். இந்த இனப் படுகொலை கலவரத்தில் எட்டாயிரம் முதல் பத்தாயிரம் முஸ்லிம்கள் படுகொலைச் செய்யப்பட்டனர்.



ஒவ்வொரு பெண்ணுக்கு பிரசவம் என்பது மறுபிறப்பு என்று சொல்வார்கள். ஒவ்வொரு ஆண் மகனையும் இவ்வுலகக்கு கடவுள் நேரடியாக அதிசய உயிராக அனுப்பி விடவில்லை. பெண் என்பவள் இத்துணை துன்பங்கள் ஆண்களால் அடைய நேரிடும் என்பதை முன்னரே அறிந்தோ என்னவோ கடவுள் இப்படி ஒரு மாபெரும் கிருபையை ஒவ்வொரு உயிரையும் ஒரு பெண்ணின் மூலம் அனுப்பி வைக்கிறான். அப்போதாவது நீங்கள் பெண்கள் மீது இரக்கப்படுவீர்களா, அவர்களை துன்புறுத்தாமல் விட்டு வைப்பீர்களா என்பதை சோதிப்பதற்காகவோ என்னவோ???

ஆனால் இதே குஜாராத் படுகொலையில் மனித உருவில் வந்த ஆண் மிருகங்கள் சில, கர்ப்பிணி பெண்களின் வயிற்றை கிழித்து சிசுவை சூழாயுதத்தால் குத்தி எடுத்து தீயிட்டு பொசுக்கினர். சிறு குழந்தைகளின் வாயில் பலவந்தமாக பெட்ரோலை ஊற்றி தீ வைத்தனர். அந்த குழந்தைகள் தீப்பிழம்புகளாக மாறி அலறுவதை கண்டு கைகொட்டி சிரித்தனர்.

இதை விட கொடுமை ஒரு பெண்ணுக்கு இவ்வுலகில் நடந்து இருக்க முடியுமா??? அந்த மனித மிருகங்களுக்கு, அந்த நிறை மாத கர்ப்பிணியின் வயிறை குத்தி கிழிக்கும் போது கூட தன்னை பெற்றெடுத்தவளும் பெண் என  தோணவில்லையா???   ஈரைந்து மாதங்கள் சுமந்து பெற்றெடுத்தது இதற்கு தானா என்று வெட்கி தலைக் குனிய வேண்டாமா???

பூக்களுக்கு ஒப்பிடப்படும் மிகவும் இளகிய மென்மையான பெண்களும் பச்சிளங் குழந்தைகளையும் உயிரோடு எரித்து கொலை செய்யும் கொடூர உள்ளம் கொண்ட அவர்கள் இன்னும் உயிருடன் இவ்வுலகில் உயர்ந்த பதவிகளில் சந்தோசமான வாழ்க்கை பயணத்தில் பயணித்த வண்ணம் தான் உள்ளார்கள். ஆனால் எந்த வித பாவமும் செய்யாத அவர்கள் இன்று மண்ணறையில். இதற்கு காரணமானவனோ இன்னும் முதலமைச்சர் என்ற பதவியில் ஒய்யாரமாக அமர்ந்து கொண்டு அடுத்து யாரை எரிக்கலாம், யாரின் வாழ்க்கையை பறிக்கலாம் என்று  திட்டம் தீட்டிக்கொண்டு!  அரசே நிதி அளிக்கிறது, அங்கிகாரம் அளிக்கிறது. என்ன கொடுமை???

அப்பொழுது எங்கே சென்றது இந்த அரசாங்கமும், அரசியல்வாதிகளும், பொது மக்களும், நீதி மன்றமும், இன்று கொக்கரிக்கும் நீதி மான்களும்??? அன்று இவர்கள் கை கட்டி வாய் பொத்தி காது அடைத்து நிற்கும் குருடர்களாக, செவிடர்களாக இருந்தனரோ??? அவர்கள் முஸ்லிம்கள் என்பதாலா? ஒவ்வொரு வினைக்கும் எதிர்வினை உண்டென்று   தைரியமாக காரணம் சொன்னபோது கூட  மனிதாபிமானம்  அடகு வைத்து அனைவரும் வாய் மூடி வேடிக்கைமட்டுமே பார்த்துக்கொண்டிருந்தனர்!

ஹரியானா மாநிலத்தில் தலித் பெண் பலாத்காரம், தந்தை தற்கொலை:
கடந்த செப்டம்பர் மாதம் ஹரியானா மாநிலத்தில் 18 வயது இளம் தலித் பெண் பல உயர் சாதி மிருகங்களால் பலாத்காரம் செய்யப்பட்டு, அந்த கயவர்கள் அத்தோடு நிறுத்திக் கொள்ளாமல் அந்த காட்சியை மொபைலில் படம் பிடித்து பலருக்கும் அனுப்பியுள்ளார்கள். இந்த அவமானம் தாங்காமல் அந்த பெண்ணின் தகப்பனார் தற்கொலை செய்து கொண்டுள்ளார். சம்பவம் நடந்து பல நாட்கள் ஆகியும் கண் துடைப்புக்காக காவல் துறை இருவரை மட்டும் கைது செய்ததே தவிர குற்றவாளிகள் யார் என்று நன்றாக தெரிந்தும் அவர்களை கைது செய்ய காவல் துறை தயங்குகிறது. காரணம், தவறு செய்தவர்கள் ஆதிக்க சாதியை சேர்ந்தவர்கள் என்பதே.

கேட்க ஆள் இல்லாத மற்றும் ஆதிக்க பலம் இல்லாத ஒரே காரணத்தால் அந்த பெண் கொடூரமாக பலாத்காரம் செய்யப்பட்ட அவமானத்தோடு, தந்தை தற்கொலை என்று தாங்க இயலாத இரண்டு சோகங்களை தாங்கிக் கொண்டிருக்கும் அந்த குடும்பத்துக்கு இன்று வரை நீதி கிடைக்கவில்லை. ஏன் இதற்கு மட்டுமா நீதி கிடைக்கவில்லை, போன வருடம் இதே கிராமத்தில் ஒரு முழு கிராமமும் ஆதிக்க சாதியினரால் தீ வைத்து கொளுத்தப்பட்டுள்ளது. காரணம் இவர்கள் தலித் என்பதே!!! எங்கே சென்றது  நீதி, ஆதிக்க சக்தி விலை கொடுத்து வாங்கி விட்டனரோ???

இதே போல் ஹரியாணா மாவட்டத்தில் தொடர்ந்து மூன்று வாரங்களில் மூன்று பலாத்காரம் நடந்துள்ளதாக செய்திகள் வெளி வந்துள்ளது. முதலில் நடந்த பலாத்காரத்துகே அரசு சரியான நடவடிக்கை எடுத்து இருந்தால், மீண்டும் மீண்டும் இதே போல் கொடூர செயலில் ஈடுபட மற்றவர்களுக்கு பயம் எழுந்து இருக்கும் அல்லவா??? இதனால் இந்தியாவில் அனைத்து பெண்களுக்கும் பாதுகாப்பு கிடைக்கா முடியாது என்றாலும் அந்த ஊரிலாவது பாதுகாப்பு கிடைத்து இருக்கும் அல்லவா??? இந்த சம்பவத்துக்கு இரு அவையிலும் யாரும் கண்ணீர் சிந்தவில்லையே ஏன்?  

இது போன்ற கொடூரங்களுக்கு யார் காரணம், வாலிப மோகத்தில் பித்து பிடித்து அலையும் வாலிபர்களா??? பண பலம் கொண்ட ஆதிக்க சக்தியினரா?? நிச்சயமாக இல்லை... இதற்கு முழு முதற் காரணம் எந்தவித நடவடிக்கையும் எடுக்காத அரசே என்பதில் எவ்வித ஐயமும் இல்லை.

இன்று கோசமிடும் இந்த அரசாங்கமும், அரசியல்வாதிகளும், பொது மக்களும், நீதி மன்றமும், நீதி மான்களும் எங்கே சென்றனர்??? அவர் பெண் இல்லையா இல்லை மனித இனத்தை சார்ந்தவர் இல்லையா??? இல்லை தலித் என்ற பொடுபோக்கா???


காவல் துறையால் மலை வாழ் பெண்கள் பலவந்த பலாத்காரம் :-
வேலியே பயிரை மேய்ந்தது போல், பாதுகாப்பு தர வேண்டியே காவல் துறையே இந்த அட்டூழியத்தை செய்துள்ளது என்பது இந்தியாவின் சட்ட ஒழுங்கு எந்த கேவலாமான நிலையில் இருக்கிறது என்பதை வெட்ட வெளிச்சமாக காண்பிக்கறது.

கடந்த நவம்பர் மாதம் திருட்டு வழக்கை விசாரிக்க சென்ற சில காவல் துறை அதிகாரிகள், சந்தேகமான நபர்களை விசாரிக்க செல்வதாக வீட்டிற்குள் புகுந்த அவர்கள் அந்த கிராமத்தைச் சேர்ந்த 4 இருளர் பெண்களை காவல் துறையினரே பாலியல் பலாத்காரம் செய்துள்ளனர். இதற்கு நடவடிக்கை எடுப்பதாக கூறிய அரசு அவர்களை தற்காலிக பணி நீக்கம் செய்ததே தவிர வேறு எந்த வித நடவடிக்கையும் எடுக்கவில்லை என்பது குறிப்பிடத்தக்கது. இத்தனை சாதாரண தண்டனை இந்த கயவர்களுக்கு போதும் எனில் இவர்கள் மீண்டும் தைரியமாக இதே கொடூர செயலை செய்ய மாட்டார்கள் என்பதற்கு என்ன உத்திரவாதம்??? ஒரு பெண்ணுக்கு பாதிகாப்பு தர முடியாத இவர்கள் மீண்டும் வேலைக்கு வந்து யாருக்கு பாதுகாப்பு தரப்போகிறார்கள்?? ச்சீ! வெட்கக்கேடு!

பாதுகாப்பு தர வேண்டிய காவல் துறையே இவ்வளவு பெரிய கேவல செயலில் ஈடுபட்டுள்ளது என்பது மக்கள் இனி காவல் துறையையும் நம்ப இயலாது என்பதற்கு இது ஒன்றே போதுமானது. இத்துடன் நிறுத்திக் கொள்ள இந்தியா ஒன்றும் சட்டம் ஒழுங்கை பின்பற்றும் சீராட்டி, பாராட்டக் கூடிய நாடில்லை. இன்னும் இது போன்று ஆயிரம் ஆயிரம் கூறிக் கொண்டே போகலாம்.

இப்படிப்பட்ட கொடுமைகளை கண்ட அயல் நாடுகளோ இந்தியாவில் பெண்களுக்கு பாதுகாப்பு இல்லை என்று அவர்களை இந்தியாவிற்கு அனுப்ப மறுக்கிறது. இன்று இந்தியாவின் நிலைமை உலகம் முழுவது பேர் கேட்டு சீரழிந்து நிற்கிறது என்பதை எண்ணி இந்தியனாக உள்ள ஒவ்வொருவரும் வெட்கி தலைக் குனிய வேண்டியுள்ளது.


சிட்டியில் வாழ்ந்தால் ஒரு சட்டம், குக்கிராமத்தில் வாழ்ந்தால் ஒரு சட்டம் என்றால் திரைப்படங்களில் காணுவது போல் நீதி என்னும் தேவதை இன்னும் கண் கட்டிக் கொண்டு குருடாகவே தான் உள்ளதோ என்னவோ???

ஆதிக்க சக்தியால் விலை கொடுத்து வாங்க முடியும் என்றால் கூறுங்கள் என்ன விலை என்று??? எதெதற்கோ லஞ்சம் கொடுக்கும் நாங்கள் இதற்கும் கொடுக்கிறோம் இது போன்ற கயவர்களை உடனடி தூக்கிலிட. உங்கள் பண பலத்திற்கு பகரமாக எதற்கு கேட்குறீர்கள் எங்கள் சகோதர சகோதரிகளின் விலை மதிக்க முடியாத கற்பை, அவர்களின் எதிர்கால வாழ்வை??? ஒஹ் நீதி என்பதும் உயர்ந்த சாதி கனியோ??? பாதிக்கப்படுபவர்களுக்கு எட்டாக் கனியாக இருக்க!!!!


இன்று கொக்கரிக்கும் இவர்களின் வருந்தலும், ஆதங்கமும், அரசியல் ஆதாயம் தேடும் போலி கௌரவம் என்பதை நிருபிக்கும் வண்ணமும், இவர்கள் எந்தவித தண்டனையும் கொடுக்க இயலாது என்ற அசட்டு தைரியத்தில் இந்த கொடூர பிரச்சினை இன்னும் அணையாத நிலையில் பல கயவர்கள் பல கொடூரத்தை இதே டெல்லி மற்றும் இந்தியாவின் பல மாநகரில் நடத்திக் கொண்டே இருக்கிறார்கள். இது ஒன்று போதாதா நீதி என்றால் கிலோ எவ்வளவு என்று கேட்பதற்கு???


கடந்த சில நாட்களுக்குள்:
1. டெல்லி ப்ளே ஸ்கூல் 3 ½ வயதுடைய பச்சிளங் குழந்தை மாணவி அதிகாரியால் பாலியல் பலாத்காரம்

2. தூத்துக்குடி மாவட்டம் ஸ்ரீவைகுண்டத்தில் ஏழாம் வகுப்பு மாணவி பாலியல் பலாத்காரம் செய்யப்பட்டு படு கொலை

3. நாகை மாவட்டத்தை சேர்ந்த நான்கு வயது சிறுமி வீட்டில் தனியாக இருந்த போது இருவரால் பாலியல் பலாத்காரம்

4. மேற்கு வங்காளத்தில் 35 வயதை சேர்ந்த விதவைப் பெண் 4 பேர் கொண்ட கும்பலால் கூட்டுப் பலாத்காரம்

5. மும்பை, நகபடா பகுதியை சேர்ந்த, 20 வயது உடைய பெண்ணை, கணவரின் நெருங்கிய நண்பர் மற்றும் இருவரால் பலாத்காரம்

ஆணும் பெண்ணும் சமம் என்று சொல்லும் சட்டம் எங்கே? பச்சிளங் குழந்தையைக் கூட விட்டு வைக்காத இது போன்ற ஆண் வர்க்கத்துடன் ஒப்பிட்டு பேசும் சமூகம்  பதில் சொல்லட்டும்!?  பாதிப்புக்குள்ளாகும் பெண் வர்க்கம் ஆண் வர்க்கத்திற்கு சமமா?? பாதுகாப்பு அற்ற இவ்வுலகில் பெண் குழந்தையை பெற்றெடுக்கவே தயங்கும் பெற்றோர்கள் இனி கள்ளிப் பால் சட்டத்தை கையில் எடுக்கும் நிலை தான் உண்டாகும்!

சட்டம் என்பது சமம் எனில், நீதி என்பது சமம் எனில் கொடூரம் யாருக்கு நிகழ்ந்தால் என்ன??, யார் செய்தால் என்ன??? தண்டனை ஒன்றாகத் தானே இருக்க வேண்டும். அன்றே குஜராத் இனப் படுகொலைக்கும், அங்கு நடந்த கொடூர கூட்டுப் பாலியல் பலாத்காரத்திற்கு காரணமானவர்களுக்கு சரியான தண்டனையாக பொது மக்கள் முன்னிலையில் அணு அணுவாக கல்லெறிந்து கொன்றோ அல்லது தூக்கிலிட்டு கொன்றோ இருந்தால் இன்று இது போன்ற கொடூரங்களை நிகழ்த்த இந்த மனித மிருகங்களுக்கு தைரியம் வந்து இருக்குமா??? இன்று இப்படி ஒரு சூழலை தவிர்த்து இருக்கலாமே??? அதெப்படி? நாம் தான் இந்த வெறிநாய்களை தூக்கிலிட்டால் வலிக்கும், மருந்து கொடுக்கணும், ஊசியால் வலிக்காம கொல்லணும்னு மனிதநேயம் பார்க்கும் உத்தமர்களாச்சே :(


அவர்களுக்கு மரணத் தண்டனை அளிப்பதன் மூலம் அந்த பெண்ணிற்கு மீண்டும் அவள் பழைய நிலையை பெற முடியாது என்பது உண்மையானாலும், இது போன்ற ஒரு காரியம் நாளை வேறு எந்த பெண்ணுக்கும் நிகழாமல் தடுக்க இயலும் என்பதில் எவ்வித ஐயமும் இல்லை. இப்பொழுதுள்ள காலத்தில் குற்றவாளிகள் வெளியில் இருப்பதை விட சிறையில் தான் மிகவும் வசதியான வாழ்க்கை வாழ்கிறார்கள்!!! இது போன்றவர்களுக்கு சிறை என்பது சீராட்டி தாலாட்டி உறங்க வைக்கும் பஞ்சு மெத்தையே தவிர தண்டனை அல்ல என்பதை நாம் அனைவரும் புரிந்துக் கொள்ள வேண்டும்.  ஆயுள் தண்டனை மூலம் குற்றவாளிக்கு நாம் செலவு செய்கிறோம் என்ற உண்மையை உணருங்கள்... நம் வரிபணத்தை  இந்த கயவர்களுக்காக  கொடுத்துக்கொண்டிருக்கும் நிலையை யோசித்துப்பாருங்கள்.. இதைவிட நம்மை யாரால் முட்டாளாக்க முடியும்?

கண்டிப்பாக குற்றம் செய்தவனுக்கு வழங்கப்படும் தண்டனை என்பது,
1. மீண்டும் மீண்டும் குற்றம் செய்வதிலிருந்து அவனைத் தடுக்க வேண்டும். அதை மீண்டும் செய்ய அவன் நடுங்க வேண்டும்.
2. ஒரு குற்றவாளிக்கு வழங்கப்படும் தண்டனையைக் கண்டு மற்றவர்கள் குற்றம் செய்ய அஞ்ச வேண்டும்.
3. குற்றவாளியால் பாதிப்புக்கு உள்ளானவன் தனக்கு நீதி கிடைத்து விட்டதாக நம்ப வேண்டும். மன நிறைவு அடைய வேண்டும்.


இத்தனை நாள் கண்ணை மூடிக் கொண்டு, குருடர்களாக, செவிடர்களாக ஊமையர்களாக இருந்தவர்கள் இன்று நடத்தும் நாடகத்தில் குற்றவாளிகளுக்கு ஒரு சிறந்த தண்டனையை தருவார்களா?? இனி இது போன்ற காரியங்களை செய்ய கயவர்கள் அஞ்சக் கூடிய நிலை வருமா??? எல்லாமே கேள்விக்குறியுடன்!!!


பிறந்த பச்சிளம் குழந்தை முதல் மரணப் படுக்கையில் கிடக்கும் கிழவி வரை விட்டு வைக்காத இது போன்ற சில ஆண் மிருகங்களிடம் இருந்து பெண்கள் இன்னும் எத்தனை காலம் தான் போராடுவது? இத்தனை பெரிய குற்றத்தை செய்யும் அவர்கள் பாதிப்புக்கு உள்ளாகும் அந்த பெண்ணின் வாழ்வை பற்றி எண்ணிப் பார்க்கின்றனரா?? தற்கொலை கூட ஒரு நொடி வலி ஆனால் இது போன்ற வன்புணர்வு என்பது அவர் உயிர் உள்ள வரை அவரை அணு அணுவாக கொல்லும் என்பதை ஏன் நினைக்க மறுக்கின்றனர். அவருக்கு ஒரு மணவாழ்வு ஏற்படுவதில் தடை, சமூகத்தில் சகப் பெண்ணைப் போல்மற்றவர்கள் முன் உலாவி வரத் தடை. அவருக்கு முன் பின் பிறந்த சகோதரிகளின் வாழ்வு கேள்விக் குறி, மன உளைச்சல், உடல் உளைச்சல் என்று தனது ஒரு நொடி சுகத்திற்காக எந்தவித பாவமும் செய்யாத அந்த பெண்ணிற்கு இவ்வளவு பெரிய தண்டனை எதனால் என்று சிந்திகின்றனாரா இந்த மனித மிருகங்கள்??? ஐய்ந்தறிவு மிருகங்கள் கூட தன் இனத்தை இரக்கத்தோடும், அரவணைப்போடும் பார்க்கின்றனவே, அதன் அறிவுக் கூட ஆறறிவு படைத்த மனிதனுக்கு இல்லையே!!! பெண்ணாக பிறந்தது எங்கள் குற்றமா??? இல்லை பெற்றெடுத்த பெண்ணாகிய எங்கள் தாயின் குற்றமா??? :((((((((((((((((

என்ன தண்டனை இவர்களுக்கு உகந்தது!!!! :
பலவந்த பலாத்காரத்துக்கு இஸ்லாம் கூறும் தண்டனை இவ்விடத்தில் நினைவு கூறுவது உகந்தது:
நபி (ஸல்) தண்டனை காலத்தில் ஒரு முறை பெண் ஒருத்தி ஒருவனால் பலவந்தமாக கற்பழிக்கப் படுகிறாள். பிறகு அவள் தன்னை கற்பழித்தவனை மக்கள் முன் அடையாளம் கூறியவுடன் மக்கள் அவனை கைது அந்த பெண்ணையும் நபி (ஸல்) அவர்களிடம் கூட்டிக் கொண்டு போகிறார்கள். அதற்கு நபி(ஸல்) அவர்கள் அந்த பெண்ணை நோக்கி “இங்கிருந்து செல், அல்லாஹ் உன்னை மன்னித்து விட்டான்” என்று கூறிய பின்பு கற்பழித்தவனை நோக்கி “இவனை கல்லெறிந்து கொல்லுங்கள்” என்று கூறினார். அறிவிப்பவர் வைல் இப்னு ஹுஜ்ர், நூல்: திர்மிதி மற்றும் அபு தாவுத்.


குற்றம் நிருபிக்கப் பட்ட நிலையில் தண்டனை என்பது குற்றவாளிகளுக்கு உடனடியாக நிகழ்த்தாமல் காலம் தாழ்த்துவது பாதிக்கப்பட்டவர்களுக்கு காட்டும் அநீதி!  பாதிக்கப்பட்டவருக்கும், பொதுமக்களுக்கும் செய்யப்படும் பச்சை துரோகம்!

எந்த மதம் (இஸ்லாம், இந்து, கிறிஸ்டியன்) கூறினால் என்ன பாதிக்கப்பட்டவர்களுக்கு நீதி கிடைக்க வேண்டும் எனில் அதை கையாள்வதில் இங்கு நாம் மத வெறியை கையாளாமல் மனித நேயத்துடன் மற்றவர்களுக்கு குற்றம் செய்ய அச்சத்தை தந்தால் சரிதான்.    இந்த பெண்ணுக்காக மட்டும் ஏன் குரல் கொடுக்குறீர்கள் என்பதல்ல எமது கேள்வி... அனைவருக்கும் சமமாக குரல் கொடுங்கள், டெல்லியில் நடந்தால் மட்டும் பலாத்காரம் அல்ல...  ஹரியானாவில் நடந்தாலும் அது பலாத்காரம் தான்.  முஸ்லீம் என்றாலும்  அவளும்  பெண் தான்!  தாழ்ந்த சாதியினர் என கூறப்பட்டாலும் அவர்களும் மனிதர்கள் தான்!! 

இனியேனும் பாராபட்சம் காட்டாமல் நீதி செலுத்துங்கள்!
 (நீதி செலுத்துங்கள்) நீதி உங்களுக்கோ, உங்களின் பெற்றோருக்கோ, நெருங்கிய உறவினருக்கோ பாதகமாக இருந்தாலும் சரியே... எந்த ஒரு கூட்டத்தார் மீதும் நீங்கள் கொண்டுள்ள பகை உங்களை நீதியிலிருந்து பிறழச் செய்துவிடக் கூடாது. - குர்ஆன்
உங்கள் சகோதரி
யாஸ்மின் ஜவ்ஜத் ரியாஸ்தீன்
read more "நீதி என்பது நிறம் பார்த்தா? மதம் பார்த்தா? வாழுமிடம் பார்த்தா?"

Thursday, December 20, 2012

டெல்லி கற்பழிப்பு சம்பவம் எதிரொலி- சட்டத்தால் தடுக்க முடியுமா??

அல்லாஹ்வின் திருப் பெயரால் ஆரம்பம் செய்கிறேன்...

அஸ்ஸலாமு அலைக்கும் வரஹ்மதுல்லாஹி வ பராக்காதஹு...


சமீபமாக நடந்த ஒரு கொடூரச்சம்பவம் நாட்டையே உலுக்கும் அளவுக்கு மிகவும் பயங்கரமானது. பெண்ணென்றால் பேயும் இரங்கும் என்று கூறுவார்கள், ஆனால் இந்த மாடர்ன் உலகத்தில் பெண் என்றால் பேயும் சீண்டி பார்க்கும் என்றாகி விட்டது.


இந்தியாவின் தலைநகர் டெல்லியில்,  பஸ்சில்  23 வயது நிரம்பிய மருத்துவ மாணவி கொலைவெறி பிடித்த கயவர்களால் கொடுமையான முறையில் பலாத்காரம் செய்யப்பட்டு சின்னாபின்னம் ஆக்கியது சிறுவர் முதல் பெரியவர் வரை மற்றும் அரசியல் தலைவர்களிடையே பெரும் கொந்தளிப்பை ஏற்படுத்தியுள்ளது.


இந்த சம்பவத்தைப் பற்றி லோக் சபாவில் விமர்சித்த எதிர்க்கட்சித் தலைவரான சுஷ்மா சுவராஜ் ஆவேசமாக பேசியதாகவும், இப்படிப்பட்ட சம்பவங்கள் தொடர்ந்து நடந்து கொண்டுதான் இருக்கின்றன. பலாத்காரத்தில் ஈடுபட்ட குற்றவாளிகளை தூக்கில் தொங்க விட வேண்டும். அவர்கள் யாருமே உயிருடன் இருக்கக் கூடாது. மறுபடியும் வாழ அவர்களுக்கு வாய்ப்பே தரக்கூடாது என்றும், ராஜ்யசபாவில் இதுதொடர்பாக நடந்த விவாதத்தின்போது சோகம் தாங்க முடியாமல் நடிகர் அமிதாப் பச்சனின் மனைவி ஜெயா பச்சன் கண்ணீர் விட்டு அழுததாகவும், அடிப்படையில் நான் ஒரு கலைத் துறையைச் சேர்ந்தவள். இந்த சம்பவத்தால் நான் பெரிதும் பாதிக்கப்பட்டுள்ளேன். அந்தப் பெண்ணின் நிலையை நினைத்து நான் மிகவும் வருந்துகிறேன் என்றும் கூறியதாகவும் செய்திகள் வெளியாகியது கேட்பவர் நெஞ்சை உருக்கியது.

யார் காரணம்??? :
இவ்வாறெல்லாம் பேசிய இவர் அடிப்படையில் நான் ஒரு கலைத் துறையை சார்ந்தவள், இதனால் நான் மிகவும் பாதிக்கப்பட்டுள்ளேன் என்றும் தெரிவித்துள்ளார். ஆனால் உண்மையில் கலைத்துறையை சேர்ந்த இவர்கள் பாதிப்புக்குள்ளனதைவிட அந்த கலைத்துறையால் பொது மக்களும், வருங்கால சமுதயாமும் பாதிக்கப்படுகிறது என்பதை ஏனோ இவர்கள் ஏற்க மறுக்கிறார்கள்.

இக்குற்றத்தை புரிந்த கயவர்களை விசாரித்தால் நாம் இந்த திட்டத்தை ஒரு படம் மூலம் பார்த்து தெரிந்துக் கொண்டோம், அதை நாம் செய்து பார்த்தால் எவ்வாறு இருக்கும் என்று முயற்சி செய்தோம் என்று கூறினால் கூட ஐயமில்லை. அந்த அளவுக்கு கலைத்துறை இன்று இளைஞர்களை தவறான வழிக்கு இழுத்து செல்கிறது. அவர்கள் புத்தியை மழுங்கச் செய்து முற்றிலும் அதிலே மூழ்கி கிடக்கச் செய்கிறது. இதனால் பல குடும்பங்கள், பெற்றோர்கள் பாதிக்கப்படுகின்றனர்.

அரைகுறை ஆடை, லிவிங் டுகெதர் லைப், டேட்டிங், லேட் நைட் பார்ட்டி போன்ற இழிவான விஷயங்களை இளையசமுதாயத்துக்குள் புகுத்திவிட்டு, இதெல்லாம் தவறே இல்லை என  நெஞ்சில் நஞ்சை விதைத்து,  அவர்களின் வாழ்க்கையை சீரழிக்கும்  பெருமை முழுக்க முழுக்க திரைத்துறையினரையே சேரும்...

இதே போல் கடந்த பிப்ரவரி மாதம், ஒன்பதாம் வகுப்பு பயிலும் மாணவன் தனது ஆசிரியரை பள்ளியிலேயே கத்தியால் கொடூரமாக குத்தி கொலை செய்தான். அந்த வழக்கின் விசாரணையில் அம்மாணவன் தெரிவித்தது:- சமீபத்தில் பார்த்த “அக்னிபாத்” திரைப்படம் தான் தன்னை இப்படி செய்ய தூண்டியதாக தெரிவித்தார். பிஞ்சிலே நஞ்சை விதைக்கும் இது போன்ற காரியங்களில் இருந்து எவ்வாறு மீள்வது, நம் சமுதாயத்தை, நம் தலைமுறையை எவ்வாறு மீட்டெடுப்பது.

ஆண்கள் இவ்வாறு என்றால், பெண்கள் நடிகைகள் அணிவது போல் அரை குறை ஆடையை அணிவதும், ஆண்களுடன் சகஜமாக நட்பு பாராட்டுவதும், எவ்வித தயக்கமும் இன்றி கட்டுப்பாடும் இல்லாது பல ஆண்களுடன் ஊர் சுற்றுவதுமே இது போன்ற காரியங்கள் நடக்க மூலக் காரணமாக அமைகிறது என்பதை அனைவரும் ஏற்றுக் கொள்ள வேண்டிய ஒன்றாகும். சுதந்திரம் என்கின்ற பேரில் பெற்றோரும் கண் மூடித்தனமாக அனைத்தையும் அனுமதிப்பது அதைவிடக் கொடுமை.  தன் குழந்தையின் வாழ்க்கையை சீரழிப்பதற்கு வழியை ஏற்படுத்தி தருவதில்  இவர்களின் பங்கு தான் அதிகம்!  இரவு நேரத்தில் தன் மகளை தனியே  வெளியே அனுப்ப, ஊர் சுற்ற அனுமதித்த பெற்றோர்களுக்கு இது சரியான பாடம் என சொல்வதை தவிர வேறு  எதுவும் சொல்வதற்கில்லை!

இந்தியச்சட்டத்தினை நம்பினால் :


இந்தியா முழுவதும் டெல்லி கற்பழிப்பு சம்பவம் குறித்து எதிர்ப்பு அலைகள் வருகிறது. கடுமையான தண்டனையாக மரண தண்டனை விதிக்க வேண்டும் என பலரும்  கூறிவருகிறார்கள். மத்திய மாநில அரசு பொறுப்புதாரிகளும் இனி இது போல் சம்பவம் நடக்கா வண்ணம்  நடவடிக்கை எடுக்க போவதாகவும் அறிவித்திருக்கின்றன. நல்ல விஷயம் தான்... இவர்களின் செயல்பாடுகளில் நம்பிக்கையில்லாத நம் கேள்விக்கு  ஷிண்டே இவ்வாறு பதில் கூறியிருந்தார் "2 நாள் கழித்து இந்த சம்பவத்தை அப்படியே மறப்பேன் என நினைக்க வேண்டாம்... நானும் 3 பெண் குழந்தைகளை வைத்துள்ளேன். அதனால் நிச்சயம் நடவடிக்கை கடுமையாக இருக்கும்"... நம்பிக்கை ஊட்டி சந்தேகத்தை போக்கும் விதமான பதிலுக்கு நிச்சயம் பாராட்டு தெரிவித்தே ஆக வேண்டும்... ஆனால்ல்ல்ல்ல்.......

இதே போலவே... கேரளாவில் ஓடும் ரயிலில்   சவுமியா என்ற  பெண்ணை ஒரு கயவன்   கற்பழித்து அந்த பெண் தன் கற்பை காக்க ஓடும் ரயிலில் இருந்து குதித்த போதும் வெறியடங்கா  அந்த ஈனப்பிறவி தலையில் அடிப்பட்ட நிலையிலும் கூட அவளை கற்பழித்திருக்கிறான். இதே போலவே நாட்டை உலுக்கிய சம்பவம் அது!  அந்த வெறிநாய்க்கு இதுபோலவே மரணதண்டனை என சொல்லப்பட்டதோடு சரி...   இன்னும் இதுபோல் சம்பவங்கள் எந்த ஒரு அச்சமும் இல்லாமல் அரங்கேறிதான் வருகிறது. கடந்த வருடத்தில்  மட்டுமே டெல்லியில் 572 பெண்கள் பலத்காரத்திற்குட்படுத்தப்பட்டார்கள் என  அதிகாரப்பூர்வ அறிக்கையை  வெளியிட்டிருக்கிறது தேசிய  குற்றப் புலனாய்வு அமைப்பு!   இந்திய சட்டம் போன்ற  குற்றவாளிகளை தப்பிக்க விடும் சட்டத்தால் இக்கயவர்களை ஒன்றும் அசைக்க முடியாது என்பது மட்டும் உறுதி!  நிச்சயமாக இன்று  ஆவேசக்குரல் எழுப்புபவர்கள் அடுத்த சூடான செய்தி வரும் சமயம் இதில் இருந்து ஒதுங்கிவிடுவார்கள்... இதான் இன்றைய நிலை!

தீர்வை நோக்கி பயணிப்போம்: 

 இஸ்லாம்  கூறும் ஹிஜாப் என்பது ஆடைகளில் மட்டும் அல்ல! பேச்சில், செயலில்,  நடைமுறையில் என  அனைத்திலும் கட்டுப்பாடு ஒழுக்கம் பேணிவது தான் ஹிஜாப்!  ஆண்களுக்கும், பெண்களுக்கு சமமான கட்டளையை இட்டு “அவர்கள் தங்கள் பார்வைகளைத் தாழ்த்திக் கொள்ள வேண்டும்; தங்கள் வெட்கத் தலங்களைப் பேணிக்காத்துக் கொள்ள வேண்டும் “ (24:30,31)   என தங்களை தீங்குகளில் இருந்து பாதுகாத்து கொள்ள எச்சரிக்கிறது. இது போன்ற தீங்குகளில் இருந்து பெண்கள் தங்களை பாதுகாத்து கொள்ளவே அற்புதமான அழகிய அறிவுரையை வல்ல இறைவன் வழங்கியுள்ளான். பின்வரும் இவ்வசனம் ஒன்றே போதும் பெண்கள் இது போன்ற கஷ்டங்களில் இருந்து தங்களை பாதுகாத்து கொள்ள முடியும் என்பதற்கு. சுபஹானல்லாஹ்....

இன்னும்; முஃமினான பெண்களுக்கும் நீர் கூறுவீராக: அவர்கள் தங்கள் பார்வைகளைத் தாழ்த்திக் கொள்ள வேண்டும்; தங்கள் வெட்கத் தலங்களைப் பேணிக்காத்துக் கொள்ள வேண்டும்; தங்கள் அழகலங்காரத்தை அதினின்று (சாதாரணமாக வெளியில்) தெரியக் கூடியதைத் தவிர (வேறு எதையும்) வெளிக் காட்டலாகாது; இன்னும் தங்கள் முன்றானைகளால் அவர்கள் தங்கள் மார்புகளை மறைத்துக் கொள்ள வேண்டும்; மேலும், (முஃமினான பெண்கள்) தம் கணவர்கள், அல்லது தம் தந்தையர்கள், அல்லது தம் கணவர்களின் தந்தையர்கள் அல்லது தம் புதல்வர்கள் அல்லது தம் கணவர்களின் புதல்வர்கள், அல்லது தம் சகோதரர்கள் அல்லது தம் சகோதரர்களின் புதல்வர்கள், அல்லது தம் சகோதரிகளின் புதல்வர்கள், அல்லது தங்கள் பெண்கள், அல்லது தம் வலக்கரங்கள் சொந்தமாக்கிக் கொண்டவர்கள், அல்லது ஆடவர்களில் தம்மை அண்டி வாழும் (பெண்களை விரும்ப முடியாத அளவு வயதானவர்கள்) பெண்களின் மறைவான அங்கங்களைப் பற்றி அறிந்து கொள்ளாத சிறுவர்கள் ஆகிய இவர்களைத் தவிர, (வேறு ஆண்களுக்குத்) தங்களுடைய அலங்கலங்காரத்தை வெளிப்படுத்தக் கூடாது; மேலும், தாங்கள் மறைத்து வைக்கும் அழகலங்காரத்திலிருந்து வெளிப்படுமாறு தங்கள் கால்களை (பூமியில்) தட்டி நடக்க வேண்டாம்; (24:31).

மேற்குறிப்பிட்ட அறிவுரை போல் அல்லாது நட்பு என்கின்ற பெயரில் அந்நிய ஆடவருடன் அரை குறையாக பார்ப்பவரை கவரும் வகையில் ஆடை அணிந்து வரைமுறையற்று ஊர் சுற்றினால் துறவனும் கண் திறந்து ரசிப்பதில் ஆச்சரியப்படுவதற்கு இல்லை. இந்த அறிவுரையை ஒவ்வொரு பெற்றோரும் அனுதினமும் தன் பிள்ளைகளுக்கு கூறி எச்சரிக்கை செய்தால் அவர்கள் கவனமாக இருக்க இது போன்ற சம்பவங்களில் தங்களை காப்பாற்றிக் கொள்ள உதவும், இதனால் தான் உங்களுக்கு நம்பிக்கையான உங்கள் குடும்ப உறுப்பினர்களை தவிர எவ்வித பாதுகாப்பும், அக்கறையும் அற்ற அந்நிய ஆண்களுடன் தனித்து இருப்பதை இஸ்லாம் எச்சரிகிறது.

நபி(ஸல்) அவர்கள் கூறினார்கள்:- ஒரு ஆணும் பெண்ணும் தனித்திருக்கும் போது மூன்றாவதாகசைத்தான் இருக்கிறான்( நூல் – திர்மிதி)

மேலும் அல்லாஹ் தனது திருமறையில் கூறுகிறான். “நீங்கள் இறையச்சத்தோடு இருக்க விருப்பினால் (அந்நியருடன்நடத்தும்) பேச்சில் நளினம் காட்டாதீர்கள். ஏனென்றால் எவன் உள்ளத்தில் நோய் (தவறானநோக்கம்) இருக்கின்றதோ அத்தகய)வன் ஆசை கொள்வான். இன்னும் நீங்கள் நல்லவற்றையேபேசுங்கள்”.அல்குர்ஆன்-33:32
வரும் முன் காப்பதே சிறந்ததே தவிர, வருவது வரட்டும் வாழ்வது மாடர்ன் உலகம் என்றாகி போனால் கண்ணை விற்று ஓவியம் வாங்குவதற்கு சமம்.

இப்படி ஒரு கொடுமைக்கு ஆளான அந்த பெண்ணால் இனி இந்த உலகில் எவ்வாறு சுதந்திரமாக, கண்ணியமாக வாழ முடியும். அனுதினம் செத்து செத்து பிழைக்கும் அவளது வாழ்வு நரகமே. இதற்காகவே இஸ்லாம் வகுத்த ஹிஜாப் என்பது ஒவ்வொரு பெண்ணிற்கும் முக்கியமான ஒன்று என்பதை இது போன்ற சம்பவங்கள் மேலும் மேலும் வலியுறுத்துகிறது. உண்மையை சொல்ல வேண்டும் எனில் எத்தனையோ பேர் முஸ்லிம் பெண்கள் அணியும் ஹிஜாப் என்பது ஓர் அடக்குமுறை, அடிமைத்தனம், சுதந்திரமற்றவை என்று கூச்சல் போடுகின்றனர். உண்மையில் ஹிஜாப் என்ற ஆபாசம் அற்ற கவசத்தை  உடையாகவும் வாழ்வியல் நெறியாகவும் அணிந்து,  அடக்கத்தை கையாண்ட எந்த பெண்ணுக்கும் இப்படி ஒரு பரிதாபம் ஏற்பட்டதில்லை என்பதே உண்மை.

உடை தான் சுதந்திரம் என்றால், எதற்காக அரை குறை ஆடை அணிந்து பாதி சுதந்திரத்துடன் உலகில் உலாவ வேண்டும், ஒன்றும் அணியாமல் நீங்கள் முழு சுதந்திரத்துடன் அலையலாமே இவ்வுலகம் உங்களை முழு சுதந்திரமானவள் என்று பாராட்டும் அல்லவா??

யாரை குறை சொன்னாலும், குறை கூறினாலும் பெண்கள் தங்களை பெண்களுக்கென்று வகுத்த கட்டுப்பாட்டுக்குள் வைத்துக் கொள்ளாத வரை இது போன்ற சம்பவங்கள் நிகழும் என்பதில் ஐயமில்லை. இதற்கு மூலக் காரணம் ஆன கலைத் துறையை சேர்ந்தவர்கள் தங்கள் ஆழ்ந்த அனுதாபங்களை தெரிவித்து விட்டு அவர்கள் வேலையை மீண்டும் தொடரத்தான் போகிறார்கள். நம் வருங்கால தலைமுறையை ஆட்கொண்டு அழிக்கத்தான் போகிறார்கள் என்பதில் எள்ளளவும் சந்தேகம் இல்லை. இதில் இருந்து தங்கள் பிள்ளைகளை காக்க ஒவ்வொரு பெற்றோரும் கவனம் செலுத்த வேண்டும். இன்ஷா அல்லாஹ்...

உங்கள் சகோதரி,
யாஸ்மின் ஜவ்ஜத் ரியாஸ்தீன்

Courtesy:
http://www.kalapam.ca/student-stabs-teacher-to-death-in-chennai-school/
http://tamil.oneindia.in/news/2012/12/18/india-delhi-rape-jaya-bachchan-breaks-down-rs-166508.html
read more "டெல்லி கற்பழிப்பு சம்பவம் எதிரொலி- சட்டத்தால் தடுக்க முடியுமா?? "

Wednesday, December 19, 2012

ஆண்களை அடக்கும், இஸ்லாத்தின் பெண்களுக்கான உரிமைகள்

அஸ்ஸலாமு அலைக்கும் வரஹ்...

இஸ்லாத்தை சாராதவர்களின் பார்வையில் இஸ்லாம் என்பது விவாதத்திற்குரிய விஷயமாகவே இருந்துவருகிறது. அப்படிபட்ட விமர்சகர்கள் எடுக்கும் முதல் ஆயுதம் 'இஸ்லாத்தில் பெண்கள் இழிவாக நடத்தப்படுகிறார்கள்' என்பதே...

இந்த ஆயுதம் உண்மையில் கூரிய கத்தியா அல்லது அட்டை கத்தியா   என தெரிந்துக்கொள்ள வேண்டுமானால், இறைவனின் கட்டளைகள் இறங்கிக்கொண்டிருந்த அந்த ஆரம்ப காலகட்டத்தில்  நபி (ஸல்) அவர்களின் பார்வையின் கீழ் வாழ்ந்த   இஸ்லாமியப் பெண்மணிகளின் நிலையை பார்ப்பது சரியான அணுகுமுறையாக இருக்கும். சில இடங்களில் இஸ்லாமிய ஆண்கள் எல்லாம் பாவம் என சொல்ல வைக்கும் :-))) மேலும்  எந்த இடங்களில் தான் (?) பெண்கள் இழிவாக நடத்தப்பட்டார்கள் என்று புரியும் ! அல்லது எவ்விதத்தில் இஸ்லாமிய பெண்கள் குறைந்தவர்கள் என்ற உண்மை தெரியவரும் இன்ஷா அல்லாஹ்!


இன்றைய காலகட்டத்தில் காலையில் வேலைக்கு செல்லும் கணவன் இரவு தான் வீட்டிற்கு திரும்புகிறான். ஆனால்  அவன்  மனைவியோ   காலை முதல் இரவு  தூங்க போறதுக்குமுன் பாத்திரம் கழுவுற வரைக்கும் மிஷின்னா செயல்படணும். இது தான் இன்றைய 99 சதவீத பெண்களின் நிலை.( மிச்சம் 1 சதவீதம்  ஆளுங்க அதிஷ்ட்டக்காரங்களா இருப்பாங்க... கண்டுக்கவேண்டாம்  விட்டுதள்ளுங்க :-)  பெண்ணினத்திற்காக எழுதப்படாத  இந்த 'மாடா உழைக்கணும்' விதியில்  இன பாகுபாடே கிடையாது! இஸ்லாமும் அதையே தான் சொல்கிறது என்கிறீர்களா? ம்ம் ஆமா.. ஆனா இல்ல :-)))

 கணவனுக்கு பொருளாதார பொறுப்பும், மனைவிக்கு குடும்ப பொறுப்பும் கொடுத்து, ஆனால் சின்னதா மாற்றம்... நாம்  இன்று ஆண்-பெண் சமம் என்று சொல்லக்கூடிய வீட்டுவேலைகளில் ஆண்களும்  பெண்ணுக்கு உதவ வேண்டும் என்ற சமத்துவ விதி அக்காலத்திய பெண்களுக்கும் கிடைத்திருந்தது. தன் தூதனின் வழியாக கணவன் மனைவியிடத்தில் எப்படி நடந்துக்கொள்ள வேண்டுமென படைத்தவன் எடுத்துக்காட்ட வைத்தான்!

சமுதாயத்தை மாற்றி அமைக்கும் பொறுப்பு, மக்களின் பிரச்சனைகளை தீர்க்க கூடிய பொறுப்பு, மனைவி மக்களுக்கு பொருளாதார வசதி ஏற்படுத்திக் கொடுக்க வேண்டி தொழில் செய்வது, இது போக அவ்வபோது போர் செய்ய வேண்டிய சூழலில் இருக்க கூடிய நபியோ, வீட்டிற்கு வந்தால் ஹாயாக சோபாவில் அமர்ந்து தங்கதட்டில் சாப்பிட்டு, மனைவியை கால் பிடிக்க சொல்பவரா இருந்தாரா எனில்...... ம்ஹும்.... இல்லை!

தனக்கு இருக்கும் ஓய்வு நேரத்தில் வீட்டில்  கிழிந்த தன் ஆடையை தைப்பதும் , அறுந்து போன தன் செருப்பை தைக்கிறதும், மனைவிக்கு வீட்டுவேலையில் மனைவிக்கு உதவியஅக  இருக்கிறதும் என இருந்ததுடன்  தன் தனிபட்ட வேலைகளையும் செய்பவராக இருந்திருந்தாங்க! (நான் ஒரு முஸ்லீம் என பெருமையாக சொல்லிக் கொள்ளும் ஆண்களும்  சுயபரிசோதனை செய்துக்க வேண்டிய இடம்  இது:-)  ஒரு சாம்ராஜ்யத்தை ஆளும், மக்கள் போற்றும் மனிதர், மனைவியை நடத்திய விதம் பாத்தீங்களா?  ஆணுக்கு பொருளாதார கடமை, பெண்ணுக்கு குடும்ப பொறுப்பு கடமை என   இருவருக்குமுள்ள  கடமைகளை தனித்தனியே வரையறுத்து கொடுத்தபோதிலும் கணவனுக்கு தொழிலில் உதவியாக மனைவியும், மனைவியின் வீட்டுச்சுமைகளில் பங்குபோடும் கணவனும் என பெண்ணின் உணர்வை புரிந்துக்கொண்டே நடந்தார்கள். இவ்வேலைகளெல்லாம் ஆண்களுக்கானதல்ல என்று   பெண்களின் பக்கம் சுமையை தள்ளிவிடக்கூடிய, 'ஆணாதிக்கம் தலையெடுத்ததன் அறிகுறி எங்கும் இல்லை! 


அடுத்ததாக....பெட்டை கோழி கூவி பொழுது விடியாது என்ற வாசகம்  சமூகத்தில் பெண்களுக்கு கொடுக்கப்பட்ட பேச்சுரிமையின் பொதுவான அடையாளம். என்னதான் பெண்சம உரிமைன்னு பேசிக்கொண்டாலும்  "பொம்பள (?!) பேச்ச கேக்கணுமா?" ன்னு மனசுல உறுத்தாம இருக்காது! இது ஒரு புறம் இருக்க, நவீன காலத்தில்  ஏதேனும் ஒரு பொதுபிரச்சனை ஏற்பட்டால்  அதை சம்மந்தப்பட்ட மக்களின் பிரதிநிதியிடம் கொண்டு செல்லவும், எதிர்த்து ஒரு வார்த்தை பேச ஆண்களுமே  பேச தயங்கும்,பயம் கொள்ளும்   சூழலில்  பிற்போக்குத்தனமான மார்க்கம் என எல்லோராலும் எள்ளிநகையாடப்படும் இஸ்லாத்தில், அக்கால கட்டத்தில், பெரிய பகுதியை ஆள கூடிய ஜனாதிபதி ஒருவர் சட்டம் இயற்ற, ஆண்களும் பெண்களும் வீற்றிருக்கும் பொது திடலில் அதை எதிர்த்து குரல்கொடுத்தார்  ஒரு பெண்!  ஆண்கள் அடங்கிய சபையில், ஒரு ஆணை எதிர்த்து குரல் கொடுப்பதற்கு  அந்த பெண்ணுக்கு எதுவும் தடையாக  இருக்கவில்லை.

ஆண்கள் பெண்களுக்கு கொடுக்கும் மணக்கொடையின் அளவில் உச்சவரம்பை கொண்டு வரவும், அப்படியும் அதிகமாக வாங்கும்  பெண்ணிடமிருந்து  வரம்புக்கு மீறிய தொகை வசூலிக்கப்பட்டு அரசுபொதுநிதியில் சேர்க்கப்படும் என்றும்  சட்டம் கொண்டுவர நினைத்து, அதை பொதுமக்களுக்கு அறிவிக்க மேடையில் ஏறுகிறார் அதிபர் உமர் . தான் கொண்டு வந்த சட்டத்தை பற்றி மக்களிடம் கூறுகிறார்.  அப்போது கூட்டத்தில் இருந்த ஒரு பெண் "அல்லாஹ்வும், அவனது தூதரும் கொடுத்த உரிமையை நீங்கள் எப்படி பறிக்கலாம்..? உங்கள் துணைவியரில் ஒருவருக்கு ஒரு பொருள் குவியலே கொடுத்திருந்தாலும் அதை திரும்ப பெறக்கூடாது என்றல்லவா குர் ஆன் வாசகம் சொல்கிறது" என கேள்வி எழுப்பினார்.  தன் தவறை உணர்ந்து உமர் (ரலி) உடனே தன் கொண்டு வந்த சட்டத்தை திரும்ப பெற்றுக்கொண்டார்.  ஒரு சாதாரண பெண்மணி அதிகார பலம்கொண்ட அதிபர் கொண்டு வந்த சட்டத்தை எதிர்த்து பொதுவில் கேட்கிறார்.. எவ்வித ஈகோவும் இல்லாமல் உடனே அப்பெண்ணிடம் மன்னிப்பும் கேட்டு , சட்டத்தை திரும்பவும் பெற்றுக்கொண்டார் அதிபர்! பெண் பேச்செல்லாம் கேட்க தேவையில்லை என்றோ, அனைவர் கூடும் பொதுவான இடத்தில் பெண்ணுக்கு என்ன வேலை என்றோ யாரும் சொல்லவில்லை!  பெண்ணின் கருத்து சுதந்திரத்திற்கு  தடை ஏதும் இருந்ததில்லை. ஆண்கள் இருக்கும் சபையில் ஒரு பெண்ணால் குரல் எழுப்ப முடிந்தது என்பதும் கூடவே  'சட்டமியற்றும் போது பெண்களை ஒதுக்கிவிட்டு செயல்படுவில்லை! என்பதும் கவனிக்கத்தக்கது! தீர்ப்பு கூறும் விஷயத்தில் ஆணுக்கும் பெண்ணுக்கும் உள்ள தெளிவு, அக்கால கட்டத்தில் பெண்களுக்கு  அறிவு  சார்ந்த விஷயங்கள் போதிக்க தடுக்கப்படவில்லை  என்பதை தெளிவாக காட்டுகிறது.

மேலே நான் சொன்ன அதே அதிபரின்  மனைவி இரவுதொழுகைக்காக  கூட்டாக தொழுகவதற்கு பள்ளிவாசல் வரக்கூடியவர். அப்படி வந்திருக்கும் போது   ஒருமுறை அவரிடம்   ஒருவர் வந்து  'உன் கணவர் தான் ரொம்ப ரோஷக்காரராச்சே?! பின்ன எப்படி பள்ளிவாசலுக்கு வரீங்க? இந்த விஷயம் தெரிஞ்சா அவர் கோபப்படுவாரே? அவர் ரொம்ப கோவக்காரராச்சே" என கேட்க,  "அவர் எப்படி என்னை தடுப்பார்? அவர் என்னை தடுக்க முடியாது. ஏனெனில் பெண்கள் பள்ளிக்கு தொழுக வந்தால் அவர்களை தடுக்காதீர்கள்' நபி ஸல் சொல்லியிருக்காங்க!"...

கணவன் கட்டளையிட்டாலோ அல்லது கட்டுபாடுகள் விதித்தாலோ உடனே அடங்கி போக வேண்டும் என இக்காலத்திலும் நினைக்கும் நம் போன்ற பெண்களுக்கு மத்தியில்... கணவனே சொன்னாலும் கூட "படைத்தவனுக்காக தான் அடிபணிய வேண்டும், படைக்கப்பட்டவர்களுக்கல்ல" என்ற வைராக்கியத்துடன் அவர்களால் இருக்க முடிந்தது!   அதுவும் அந்த உரிமைக்கான காரணமாக அவங்க சொன்னது இஸ்லாம்!  நம்மில் எத்தனை பேருக்கு இந்த சுதந்திரம் இன்று கிடைத்துள்ளது? அல்லது இப்போது இந்த சுதந்திரம் கிடைக்கப்பெற்ற  இக்காலத்திய பெண்களுக்கு அக்காலத்திய இஸ்லாமியப் பெண்மணிகள் எவ்விதத்தில் குறைந்தவர்கள்??? தனிபட்ட மனிதனுக்காக்க தனது  உரிமையை விட்டுகொடுக்க கூடாது என்ற திமிர் தான் பெண்ணியவாதியின் அடையாளம் எனில் மேலே குறிப்பிட்ட அந்த பெண்மணி 'உரிமையை விட்டுகொடுக்காத அடிமைவர்க்கமா???' 

ஹிஜாப்பின் விஷயத்திற்கு வருவோம். வழக்கம் போல்  முழுதாக உடை உடுத்துவது தப்பா என்றெல்லாம் கேட்கப்போவதில்லை! :-)
ஹிஜாப் என்பது பெண்களுக்கு மட்டுமெனில் ஆணாதிக்க மதம் என்ற வாதத்தில் உண்மை இருக்கலாம்.. ஆனால்  இருவரையும் அல்லவா பார்வை தாழ்த்த சொல்லியிருக்கிறது இஸ்லாம்?? இருவரையும் அல்லவா வெட்கத்தலங்களை பேணிகொள்ள சொல்கிறது இஸ்லாம்?  இதுவும் ஏற்கனவே கேட்ட மாதிரி இருக்கா :-) சரி ஒரு உதாரணம் சொல்லலாம்...

 ஆலோசணை கேட்க நபி(ஸல்) நோக்கி ஒரு பெண் வராங்க. நபியின் தோழர் ஒருவர் அந்த பெண்ணையே  பார்த்துக்கொண்டிருந்தார். இதை எதேச்சையாக பார்த்துவிட்ட நபியோ அந்த பெண்ணை அதட்டவில்லை, முகத்தை மூடு என கட்டளையிடவில்லை, மறைவாக ஒளிந்துக்கொள் என சொல்லவில்லை! அந்த பெண்ணை பார்த்த அந்த தோழரின் முகத்தை, தன் கையால் வேறுபக்கம் திருப்பி விட்டாங்க... தவறு எங்கு நடக்கிறதோ அங்கே தான் தட்டப்பட்டிருக்கிறது.... எதெற்கெடுத்தாலும் பெண்களையே குறையாக கருதித்திரிந்ததில்லை!!

பிற்போக்கு மதமான  இஸ்லாத்தில் பெண்களின் சொத்துரிமை எப்படி இருக்கும்னு நெனைக்கிறோம்?  
*இஸ்லாமிய பெண்களுக்கு சொத்துரிமையே கெடையாது?!!! -இப்படியா?
*அவங்க கணவன் தான் சொத்துக்கு சொந்தமானவங்க - இப்படியா?

ம்ஹும்.............. !!!!!

ஒருமுறை ஜைனப் என்ற பெண்  அவர்கள் பிலால் (இவுகதேன் நபி (ஸல்)க்கு நெருங்கிய தோஸ்த்) அவர்களிடம்  " என்னுடைய கணவருக்கும் என்னுடைய பராமரிப்பிலுள்ள அனாதைகளுக்கும் நான் செலவழிப்பது தர்மமாகுமா? என்று நபி(ஸல்) அவர்களிடம் கேட்டுச்சொல்லுங்கள் என சந்தேகம் கேட்டிருக்கிறார்!

உம்மு ஸலமா என்ற பெண்  இறைதூதரிடம்  தன் கணவனான அபூ ஸலமாவின் குழந்தைகளுக்குச் செலவழிப்பதற்காக தனக்கு நன்மையுண்டா? என கேட்டிருக்கிறார்.

தன் கணவனுக்கும், தன் பராமரிப்பில் இருக்கும் அனாதைகளுக்கும், குழந்தைகளுக்கும்  செலவழிக்கும் அளவுக்கு சொத்துக்கள் தனியாக நிர்வகிக்கும் உரிமை பெண்களுக்கு  அப்போதே   இருந்துள்ளது! மட்டுமல்லாமல் தனக்குரிய சொத்தை 'கையாளும் தகுதி'  பெண்ணுக்கே உரியது என்பது மேலே சொல்லப்பட்ட சூழ்நிலைகளை கொண்டு புரிந்துக்கொள்ள முடிகிறது.   இது என் பணம் என சொன்னாலே சண்டைக்கு வரக்கூடிய கணவன் இப்போதிருக்கும் போது தன் சொந்த தனி சொத்தை/பணத்தை வச்சு, தான்  தன்  கணவனுக்கு செலவு செய்வது பற்றி கேள்வி எழுப்பியிருக்காங்க! பெண்ணுக்கு எதுவும் தெரியாது என்றோ, அவளுக்கு நிர்வகிக்க தகுதியோ அறிவோ இல்லை என்றோ சொல்லிவிடவில்லை. நிர்வாகத்தில் ஆணுக்கு சமமாக பெண்ணுக்கு கொடுக்கப்பட்ட உரிமை அல்லவா இது?

மேலே குறிப்பிட்ட சம்பவங்கள் அனைத்தும் தனிபட்ட ஒரு பெண்ணின்  எதிர்க்கும் திறனை சார்ந்த விஷயம்  அல்ல! இஸ்லாம் ஒட்டுமொத்த பெண் சமூகத்திற்கும் கொடுத்த உரிமை.  இஸ்லாமிய பெண்மணிகளின்  ஒட்டுமொத்த நிலையும் இதுவே! இஸ்லாத்தை தன் வாழ்வியல் நெறியாக கொண்ட ஆண்கள் பெண்களை நடத்திய விதமும் இப்படியே.... 

  இக்காலத்திய பெண்களுக்கு அக்காலத்திய இஸ்லாமியப் பெண்மணிகள் எவ்விதத்தில் குறைந்தவர்கள்??? எந்த விஷயத்தில் அவர்களின் உரிமைகள் நசுக்கப்பட்டது?

தன் பெண்மக்களிற்குச் செய்யவேண்டிய  - கல்வி கொடுத்து, நற்பண்புகள் போதித்து, திருமணம் செய்விப்பது - போன்ற அனைத்து கடமைகளையும் நல்லமுறையில் எந்த குறைவுமின்றி  நிறைவேற்றிய பெற்றோர், சொர்க்கத்தில் இரு விரல்களின் நெருக்கம் போல் நபி (ஸல்) அவர்களுடன் இருப்பார்கள் என்ற வாக்குறுதி ஒன்று போதும்  பெண்ணை அடிமைபடுத்தும் மார்க்கம் என்ற வெற்று கூச்சலை நசுக்கிவிட....

நம் வாழும் பகுதிகளில் பாரம்பரியம், பண்பாடு, பழக்க வழக்கங்கள் ஆகியவைகளை கொண்டு, படிப்பறிவும், மார்க்க அறிவும் அற்ற சிலர் உண்மையை உணராது பெண்களை கட்டுப்படுத்துவதும்  உண்மைதான். ஆனால்  "இன்ன இன்னவை பெண்களுக்குரிய உரிமை, இதில் தலையிட யாருக்கும் அனுமதி இல்லை" என கூறி பாதுகாப்புடன் கூடிய சுதந்திரத்தை வழங்கிய இஸ்லாம் எவ்விதத்தில் பொறுப்பு ஏற்கும்? புர்கா/ஹிஜாப்  விஷயத்தில் மட்டும்தான்  பெண்களின் நிலையை  பார்ப்பதை கொஞ்சம் தூர ஒதுக்கிவிட்டு  நிர்வாகத்தில், குடும்பத்தில், சமுதாயத்தில் ஏன் தனிமனித செயலிலும் கூட இக்காலத்திய பெண்களை போன்றே, எவ்வித அடக்குமுறைகளுக்கும் வழியில்லாது சம உரிமையுடன் வாழ்ந்த  பெண்களை, அவர்களுக்கு  அந்த சம உரிமையை கொடுத்த/ ஆண்களுக்கு நிகரான செயல்பாடுகளில் தலையிடாத இஸ்லாத்தை திறந்த மனதுடன்  ஆராயலாமே.... எத்தனை காலத்துக்குத்தான் ஒருசார்பு ஊடகமும் போலி பெண்ணியவாதிகளும் சொல்வதையே கேட்டுக்கொண்டிருக்க போகிறோம்??? :-) 
read more "ஆண்களை அடக்கும், இஸ்லாத்தின் பெண்களுக்கான உரிமைகள் "

Friday, December 14, 2012

கட்டுரைப் போட்டிக்கான தேதியில் மாற்றம் - உங்கள் வேண்டுகோளுக்கிணங்க...

தேதி மாற்றம் குறித்து ஒரு முக்கிய மற்றும் அவசர அறிவிப்பு :

அஸ்ஸலாமு அலைக்கும் சகோஸ்...



"கல்விக்கான தேடலில் தமிழக முஸ்லிம் சமூகம் சரியான திசையில் செல்கிறதா" என்ற தலைப்பில் கட்டுரை எழுதச்சொல்லி, டிசம்பர் 15 நள்ளிரவுக்குள் அனுப்புமாறு கேட்டு இருந்தோம்.
இந்த போட்டியில் கலந்து கொண்ட பலர் கல்வி பற்றி குறிப்புகள் நிறைய எடுக்க வேண்டியிருப்பதால், கட்டுரை பாதியில் நிற்பதாகவும், தேதியை சற்று நீட்டித்து தருமாறும் கோரி இருந்தனர். அவர்களின் கோரிக்கையை பரிசீலித்து டிசம்பர் 31 வரை தேதியை நீட்டிக்கலாம் என்று முடிவு செய்யப்பட்டுள்ளது. இதற்கு பின் எக்காரணம் கொண்டும் தேதி நீட்டிக்கப்படாது என்பதையும் இத்துடன் தெரிவித்துக்கொள்கிறோம்.

ஏற்கனவே அனுப்பியவர்கள் மாற்றங்கள் செய்ய விரும்பினால் தாராளமாக செய்து அனுப்பலாம். அப்படி இல்லாத பட்சத்தில் அனுப்பிய கட்டுரையே பரிசீலனைக்கு எடுத்துக்கொள்ளப்படும்.
இந்த போட்டியில் அதிகமானோர் கலந்து கொண்டு, உங்கள் கல்விக்கான ஆலோசனைகளை அள்ளி வழங்குமாறு அன்போடு கேட்டுக்கொள்கிறோம்.

கட்டுரை போட்டி பற்றிய மேலும் விவரங்களுக்கு : இங்கே அழுத்தவும்

இக்கட்டுரை போட்டிக்கான பேனர் உங்கள் தளங்களில் இணைக்க விரும்பினால் அதற்கான code :

<a href="http://goo.gl/6SlL7" target="_blank"><img border="0" src="http://3.bp.blogspot.com/-VcRWvvj_E7c/UMt3GKMjfoI/AAAAAAAADB8/-L5dpjackag/s1600/for+FB1.jpg" height="215" width="300" /></a>
read more "கட்டுரைப் போட்டிக்கான தேதியில் மாற்றம் - உங்கள் வேண்டுகோளுக்கிணங்க..."

Sunday, December 09, 2012

மேற்கத்திய கலாச்சாரம் TO இஸ்லாம்- முஸ்லிம் பெண்ணியவாதியின் பயணம்

அரைகுறை ஆடையுடன் கூடிய மேற்கத்திய வாழ்க்கைதான் சுதந்திரத்தின் அடையாளம் என்று நான் வாழ்ந்த போது உணராத சுதந்திரமும் சமுகத்தில் எனக்கு கிடைக்காத அங்கீகாரமும் இன்று ஹிஜாபின் மூலமே எனக்கு கிடைத்தது. ஒரு முன்னாள் முஸ்லீம் அல்லாத பெண் என்கிற அனுபவத்தில் சொல்கிறேன் , ஹிஜாப் பெண்ணுரிமையின் அடையாளம்,சம நீதியின் குறியீடும், பெண் விடுதலையின் புதிய குறியீடும் நிகாப்தான் என்பதை அனைத்து பெண்களும் உணர வேண்டும்.ஹிஜாப் என் வாழ்கையில் ஏற்படுத்திய அமைதி மற்றும் மகிழ்ச்சியை போன்றே எல்லா பெண்களின் வாழ்விலும் கொண்டுவரும் என்பதில் சந்தேகம் இல்லை. - சாரா போக்கர்

அஸ்ஸலாமு அலைக்கும் வரஹ்மத்துல்லாஹி வபரக்காத்துஹூ

ஹிஜாபின் பெருமை உலகெங்கிலும் பரவி வருகிறது.இன்றைய காலகட்டத்திற்கு மிகவும் முக்கியமான ஒன்றாக எல்லோராலும் ஏற்றுக் கொள்ளப்பட்டும் வருகிறது .. முஸ்லிம் மக்கள் ஹிஜாப் பேணுவதில் எந்த பெருமையும் இல்லை.. மேற்குலக நாகரிகத்தில் மூழ்கிப் போன மாற்று மத சகோதரிகள் அதை உணர்ந்து அதன் பெருமையைச் சொல்லும் போது தான் அதன் மேன்மை புரிகிறது. இஸ்லாமிய பெண்களாகிய நாங்கள் அதை பற்றி பெருமிதமாக சொல்வதை விட முஸ்லிம்களை ஒடுக்க நினைக்கும் நாட்டில் இருந்து கொண்டு,மேற்கத்திய ஆடைகுறைப்பு நாகரிகத்தில் ஊறி திளைத்த ஒரு பெண் ஹிஜாப் மற்றும் குர்ஆனின் பெருமையைக் கூறும் பொழுது நமக்கு மெய் சிலிர்க்கவே செய்கிறது ..


சாராபோக்கர்!

 மேலை நாட்டு கலாச்சாரத்தில் பிறந்து வளர்ந்து ஒரு கால கட்டத்தில் இஸ்லாத்தை புரிந்து கொண்டு , ஹிஜாபின் பெருமை உணர்ந்து அல்லாஹ்வின் வழி காட்டலில் இன்று முஸ்லிம்மாக  வாழ்ந்து வரும் மாடல் அழகி இவர்!

ஆரம்பகாலத்தில்:
அமெரிக்காவின் நடுப்பகுதியில் பிறந்து, வளர்ந்த ஒரு அமெரிக்க பெண் . மற்ற பெண்கள் போலவே அந்த பெரிய நகரத்திற்கு உண்டான ஆடம்பர வாழ்க்கை முறையிலேயே வளர்ந்தார். ஒரு கட்டத்தில் , பகட்டு வாழ்க்கை முறைக்கு பெயர் போன புளோரிடா, மியாமி தென் கடற்கரை பகுதிக்கு நான் குடி பெயர்ந்தார். ஆரம்பத்தில் மேற்கத்திய பெண்களின் சராசரி மனநிலையே இவருக்கும் இருந்தது.பார்ப்பவர்களின் கவனத்தை ஈர்க்கும் வண்ணம் உடைகள் மற்றும் அலங்கார அணிகலன்கள் அணிவதும் அடுத்தவர் தம்மை கவுரமாக நினைப்பதே வாழ்க்கையின் அந்தஸ்து என்றும் எண்ணம் கொண்டிருந்தார். தனது கடுமையான உழைப்பின் மூலம் தனி நபர் பயிற்சியாளர் என்ற தகுதிக்கு தன்னை உயர்த்திகொண்டதோடு கடற்கரை ஒட்டி ஒரு வீடும் சொந்தமாக  வாங்கும் அளவுக்கு பொருளாதார அளவில் உயர்ந்த நிலையிலும் நாகரீக வாழ்க்கை வாழும் ஒரு பெண்மணியாக தன்னை ஆக்கினார்!

ஆண்டுகள் உருண்டோட ஆரம்பித்தது! பெண் அடிமைத்தனத்தை எதிர்க்கிறேன் பேர்விழி என்று உருவெடுத்த சாராவிற்கு வாழ்கைத்தரம் உயர்ந்த  அளவுக்கு வாழ்க்கையில் நிம்மதியும், சந்தோஷமும் உயரவில்லை.. மாறாக குறைந்து கொண்டே வந்ததை உணர ஆரம்பித்தார். தன் வாழ்க்கை முறை மற்றும் மனநிம்மதிக்கும் இடையேயான இடைவேளை அதிகமாகி கொண்டே போவதை உணரஆரம்பித்தார். போதை மற்றும் பார்ட்டிகளுக்கு அடிமையாய் இருந்த சாரா அவற்றில் இருந்து விடுபடவேண்டி தியானம், சேவை மற்றும் மத ரீதியான காரியங்களில் ஈடுபட தொடங்கினார்.ஆனால் அனைத்து வழிமுறைகளும் ஒரு தற்காலிக வலி நிவாரணியாக இருந்ததே தவிர அவருக்கு நிரந்தர தீர்வேதுவும் கொடுக்கவில்லை!

பெண்ணியம்,பெண் சுதந்திரம் மற்றும் புதிய உலகம் உருவாக வேண்டும் என்று கருத்துகளோடு உலாவி கொண்டு இருந்த சாராவிற்கு அதே எண்ணத்துடன் ஒத்துப்போகக்கூடிய  பொதுவுடைமை மற்றும் சுயமரிதை தொடர்பாக போராடி வரும் ஒரு நண்பரின் அறிமுகம் கிடைத்தது. அந்த கொள்கைகளில் ஈடுபாடு கொண்டு அவருடன் இணைந்து சாரா செயல்பட ஆரம்பித்தார். தான் இணைந்த புதிய இயக்கம் அவருக்கு வித்தியாசமாக இருந்தது! ஒரு சிறிய வட்டத்திற்குள் பெண்ணியம் பெண் உரிமை என்று இருந்த சாராவிற்கு சுதந்திரம், நீதி, சுயமரியாதை எல்லாம்  அனைத்து மக்களுக்கும் சமமானது என்றும் மக்கள் அனைவரும் சமமே முதன்முறையாக உணர ஆரம்பித்தார்.

மாற்றம் நிகழ்ந்த தருணம்:
அக்காலகட்டத்தில் தான் ஒரு பெரிய மாற்றம் நிகழ்ந்தது! மேற்கத்திய நாடுகளில் எதிர்மறையான கருத்துக்கள் கொண்ட ஒரு நூல் என்று சொல்லப்படக்கூடிய நூலை தற்செயலாக ஒரு நாள் படிக்க நேர்ந்தது. ஆம் குர்ஆன் தான் அது! அது வரை இஸ்லாம் என்றால் மனைவியை அடித்து கொடுமைபடுத்தும் பழக்கம்,வீட்டுக்குள் அடைத்து வைக்கப்பட்ட பெண்கள்,பயங்கரவாதம் மட்டுமே இஸ்லாம் என்று நினைத்துக்கொண்டிருந்த அவர் எண்ணத்தை அடியோடு மாற்றியது குர்ஆன்! குரானை படிக்க படிக்க அதன் பாணி, எழுதப்பட்ட விதம் மற்றும் அணுகுமுறை ஆகியவை சாராவை அதிகம் ஈர்த்தது!! படைக்கபட்டவை மற்றும் படைப்பாளிக்கான உறவை அதில் சொல்லி இருந்த விதம் சாராவை மிகவும் கவர்ந்தது.

குர் ஆன் முதன் முதலாக படித்தபோது அவருக்கு ஏற்பட்ட அனுபவத்தை இவ்வாறு விவரிக்கிறார்:
எந்த விதமான மொழிபெயர்ப்பும் தேவை இல்லாமல் எளிமையாக படிக்கும் வண்ணம் இருந்த குரான் என் இதயம் மற்றும் ஆன்மாவிற்கு மிகவும் நெருக்கமான முகவரியை எனக்கு கொடுத்தது.. இறுதியில் அந்த ஒரு கணத்தில் குர்ஆன் என்னை பார்த்ததன் உண்மையை உணர்தேன். தன்நம்பிக்கை மற்றும் நிறைவான வாழ்க்கை வாழ ஒரு முஸ்லிமாக மாற முடிவெடுத்தேன்.
ஆம்... சாரா தன் இரத்தத்திலேயே ஊறிய மேற்கத்திய கலாச்சாரத்தை தூக்கி எறிந்துவிட்டு ஒரு முஸ்லிம்மாக மாற முடிவெடுத்தார். உடனே அழகான நீண்ட உடையையும் தலையை மறைக்கும் விதமான ஸ்கார்ப்பும் வாங்கிக்கொண்டார். மேற்கத்திய பெண் என்ற ரீதியில் எந்த வீதியில் அரைகுறை ஆடைகளுடன் நடமாடினாரோ அதே தெருவில் தலையில் இருந்து கால் வரை மறைக்கும் விதமாக இருக்கும் ஹிஜாப் அணித்துச் செல்ல தொடங்கினார். அந்த அனுபவத்தை பற்றி சாரா குறிப்பிடுகையில் :பழகிய முகங்கள் ,பழகிய கடை வீதி என்றாலும் ஹிஜாப் அணிந்து நடமாடும் போது முதன்முறையாக மனதினில் தெம்பும் ,நிம்மதியும் ,தன்னிறைவும் பெற்ற ஒரு உணர்வு நிகழ்ந்தது என்னுள்.! தடைகள் தகர்ந்து புதிய உலகிற்குள் நுழைந்த சுதந்திர உணர்வை பெற்றேன்.வேட்டைக்கான இரையை போன்று ஒரு காலத்தில் பார்க்கப்பட்ட நான் இன்று இந்த சமுதாயம் முற்றிலும் புதிய கோணத்தில் என்னை பார்ப்பதை உணர்ந்தேன். என் தோள்களில் இருந்து மிக பெரிய பாரம் இறக்கி வைக்கப்பட்டது போன்று உணர்ந்தேன்.வேலை, ஷாப்பிங், ஒப்பனை என்று கழிந்த என் வாழ்க்கை இப்பொழுது சரியான திசையை நோக்கி செல்வதை உணர்ந்தேன்.இஸ்லாம் என் இதயத்திற்கு மிகவும் நெருக்கமான மார்க்கமாக உணர்ந்தேன்.

இஸ்லாத்தை தன் வாழ்வியல் நெறியாயக்கொண்டு, ஹிஜாப்பை தன் உரிமையாக ஏற்றுக்கொண்டு வாழ்ந்த சாரா திருமணம் செய்ததும் ஒரு முஸ்லீம்மை தான்! நிகாப்(முகத்தை முழுமையாக மூடும் துணி) போடும் பெண்களின் எண்ணிக்கை அதிகமாகிக்கொண்டே போன போது அதைபற்றிய ஆர்வம் அதிகரித்தது சாராவிற்கு! தான் ஏற்கெனவே அணிந்து கொண்டிருந்த ஹிஜாப் இல் இருந்தால் போதுமா, அல்லது நிகாப் அணிய வேண்டுமா என தன் கணவரிடம் ஆர்வமாய் கேட்க ஹிஜாப் அணிவது கடமை என்றும், நிகாப் அவரவரின் தனிபட்ட விருப்பம் என்றும் அவர் கூறினார். ஆனாலும் சாரா விடவில்லை..ஒன்றரை ஆண்டுகளுக்குப் பிறகு, நிகாப் அணிய ஆசையாக உள்ளதாக மீண்டும் தன்கணவரிடம் சொன்னார். அதோடு, அதிக அடக்கமாக இருப்பதனால் என் மன நிம்மதியையும் அது அதிகப்படுத்தும் என்றும் அவரிடம் கூறிகிறார். சாராவின் ஆர்வத்தை கண்டு கணவர் தன் மனையின் முடிவை ஆதரித்தார். 'இஸ்தால்' என்று சொல்லப் பட்ட ஒரு தளர்ச்சியான, தலை முதல் கால்வரை மூடும் ஒரு கருப்பு கவுனையும், கண்களைத் தவிர தலையையும் முகத்தையும் முழுமையாக மூடும் நிகாபையும் வாங்கிக் கொடுத்தார்.

வெகு விரைவில் சில அரசியல்வாதிகள்,கத்தோலிக்க பாதிரிகள் மற்றும் ,மனித உரிமை போராளிகள் என்று சொல்லிகொள்பவர்களிடமிருந்து ஹிஜாப்
பெண்ணடிமைத்தனத்தின் அறிகுறி என்றும் ,முன்னேற்றத்துக்கான தடை என்றும் எதிர்ப்பு கிளம்பியிருக்கிறது. அந்த வேளையில் ஒரு எகிப்திய அதிகாரி ஹிஜாப் பிற்போக்கு சிந்தனையின் அடையாளம் என்றும் குறிப்பிட்டார்.
அந்த தருணத்தை பற்றி சாரா குறிப்பிடுகையில் :  
பெண்களுக்கு என்று பிரத்தியோகமான உடை மற்றும் சட்டங்கள் திணிக்கும் சில அரசாங்கள் இருக்கும் போது அதை எதிர்க்கவேண்டியவர்கள் எதிர்ப்பதில்லை! ஆனால் உண்மையான உரிமைகளான வேலை, கல்வி போன்ற எத்தனையோ துறைகளில் பெண்கள் பின்தங்கி இருக்கும் போது ,அதை எல்லாம் விட்டு விட்டு ஹிஜாபை கையில் எடுத்து கொண்டு பெண் விடுதலைகளுக்கு போராடுகிறோம் பேர்விழி என்று கூறிக்கொள்ளும் சில கையாலாகதவர்களின் வேற்று கூச்சலாகவே என்னால் இதை பார்க்க முடிந்தது. நல்ல கட்டளைகளை நிறைவேற்றவும் எந்த தீயசக்திகளுக்கு எதிராகவும் நீதி நெறியினை நிலைநாட்டவும் ஹிஜாப் தான் சரியான வழி. ஹிஜாப் அடிமைத்தனத்தின் அடையாளம் அல்ல அது முஸ்லிம் பெண்களின் உரிமை,சுதந்திரம் மற்றும் ,பாதுகாப்பின் குறியீடு என்று உணர வேண்டும்.
தன் கவர்ச்சியான உடையையும் , மேற்கத்திய போலி வாழ்க்கை முறையையும் கழற்றி எறிந்து விட்ட சாரா, படைத்தவனோடு நிம்மதியாக இருப்பதிலும், சுயமரியாதையும் கண்ணியமும் உள்ள ஒரு பெண்ணாக தன்னைச் சுற்றியிருப்பவர்களோடு வாழ்வதிலும்தான் அதிக சந்தோசமிருக்கிறதென்றும் அதனால்தான் நிகாப் அணிவதைத் தேர்ந்தெடுத்துக் கொண்டதாகவும், தன்னை விட்டுப் பிரிக்க முடியாத அதை அணியும் உரிமைக்காக உயிரை விடவும் செய்வேனென்றும் கூறுகிறார். மாஷா அல்லாஹ்...

சாரா ஹிஜாப் எதிர்ப்பாளர்களுக்கு சொன்ன பதில் இஸ்லாத்தின் கொள்கை மீதான அவரின் அசைக்க முடியாத நம்பிக்கையை காட்டுவதாக அமைந்துள்ளது.  
"நாகரீக மோகத்தில் ஹிஜாபை இழிவுபடுத்துபவர்களுக்கும் அதனை புறக்கணிப்பவர்களுக்கும் நான் கூற விரும்புவது ஒன்று தான்! நீங்கள் உங்கள் அறியாமையினால் எதை இழந்து கொண்டிருக்கிறோம் என்பதை உணராமலே இழந்து கொண்டிருகிறீர்கள்"

தன்னை சார்ந்த சமூகத்திற்கு ஒரு நல்ல முஸ்லிம் பெண்ணா இருப்பதற்கும் ,கணவனுக்கு உறுதுணையாய் நிற்கும் ஒரு முஸ்லிம் மனைவியாக இருப்பதற்கும், மேலும் தன் குழைந்தைகளை இஸ்லாம் நெறிமுறையில் வளர்த்து வருங்கால மனிதகுலத்திற்கு ஒளி வீசும் ஒளிகீற்றுகளாய் வளர்ப்பதற்கும் தன்னால் ஆனதை முஸ்லீம் பெண்களுக்கு கற்றுக்கொடுத்துக்கொண்டிருக்கிறார்.

இஸ்லாமிய வாழ்வியல் நெறியோடு முற்றிலும் மாறுபட்ட வாழ்க்கை வாழ்ந்து, இப்போது இஸ்லாம் காட்டித்தந்த அழகான பாதையில் பயணிக்கும் சாரா தற்சமயம்   "த மார்ச் பார் ஜஸ்டிஸ்" என்ற மனித மற்றும் சிவில் உரிமைகள் இயக்கத்தின் தகவல் தொடர்பு இயக்குனராக உள்ளார். மேலும் "த குளோபள் சிஸ்டர்ஸ் நெட்வொர்க்" கின் துணை நிறுவனராகவும், புகழ்பெற்ற "ஷாக் அன்ட் ஏவ் கேலரி" யின் தயாரிப்பாளராகவும் இருக்கிறார். அல்ஹம்துலில்லாஹ்.  அல்லாஹ் அவரின் முந்தைய பாவங்களை மன்னித்து , இம்மையிலும்  மறுமையிலும் வெற்றிகளை வழங்குவானாக. ஆமீன்
"எவருக்கு அல்லாஹ் நன்மையை நாடுகிறானோ அவரை மார்க்கத்தில் விளக்கமுடையவராக ஆக்கிவிடுகிறான்"
reference:  The New Symbol of Women's Liberation
த மார்ச் பார் ஜஸ்டிஸ் பற்றி அறிய  click
'Shock and Awe' Gallery காண click
**************************************
முக்கிய அறிவிப்பு:  இஸ்லாமிபெண்ணியில் கட்டுரைப்போட்டி பற்றிய அறிவிப்பு வெளிவந்தை  றிந்திருப்பீர்ள்... இன்னும் 5 நாட்ளே இருக்கின்து.  போட்டியில் ங்கு பெநினைப்வர்கள் ங்கள் ஆக்ங்ளை அனுப்வும்.உங்கள்  வு கட்டாயம் தேவை...மேதிவிங்ளுக்கு: மாபெரும் கட்டுரைப்போட்டி பற்றிவிங்கள்
read more "மேற்கத்திய கலாச்சாரம் TO இஸ்லாம்- முஸ்லிம் பெண்ணியவாதியின் பயணம்"

Tuesday, November 20, 2012

இஸ்லாமியப் பெண்மணி மற்றும் டீக்கடை முகநூல் குழுமம் இணைந்து நடத்தும் கட்டுரைப் போட்டி

தேதி மாற்றம் குறித்து ஒரு முக்கிய மற்றும்  அவசர அறிவிப்பு :
 

அஸ்ஸலாமு அலைக்கும் சகோஸ்...

"கல்விக்கான தேடலில் தமிழக முஸ்லிம் சமூகம் சரியான திசையில் செல்கிறதா" என்ற தலைப்பில் கட்டுரை எழுதச்சொல்லி, டிசம்பர் 15 நள்ளிரவுக்குள் அனுப்புமாறு கேட்டு இருந்தோம்.
இந்த போட்டியில் கலந்து கொண்ட பலர்  கல்வி பற்றி குறிப்புகள் நிறைய எடுக்க வேண்டியிருப்பதால், கட்டுரை பாதியில் நிற்பதாகவும், தேதியை சற்று நீட்டித்து தருமாறும் கோரி இருந்தனர். அவர்களின் கோரிக்கையை பரிசீலித்து டிசம்பர் 31 வரை தேதியை நீட்டிக்கலாம் என்று முடிவு செய்யப்பட்டுள்ளது. இதற்கு பின் எக்காரணம் கொண்டும் தேதி நீட்டிக்கப்படாது என்பதையும் இத்துடன் தெரிவித்துக்கொள்கிறோம்.

ஏற்கனவே அனுப்பியவர்கள் மாற்றங்கள் செய்ய விரும்பினால்  தாராளமாக செய்து அனுப்பலாம். அப்படி இல்லாத பட்சத்தில் அனுப்பிய கட்டுரையே பரிசீலனைக்கு எடுத்துக்கொள்ளப்படும்.
இந்த போட்டியில் அதிகமானோர் கலந்து கொண்டு, உங்கள் கல்விக்கான ஆலோசனைகளை அள்ளி வழங்குமாறு அன்போடு கேட்டுக்கொள்கிறோம்.

___________________________________


உலகெங்கிலும் வாழும் தமிழக முஸ்லிம்களிடையே புதைந்து கிடக்கும் பொக்கிஷமான எழுத்தாற்றலை வெளிக்கொண்டு வரவும், நம் சமூகம் சந்திக்கும் பிரச்சனைகளுக்கான தீர்வை நம் சமூகத்திடம் இருந்தே பெரும் உயர் நோக்குடனும், உங்கள் இஸ்லாமியப் பெண்மணி மற்றும் டீக்கடை முகநூல் குழுமம் இணைந்து நடத்தும் மாபெரும் கட்டுரைப் போட்டி பற்றிய அறிவிப்பு!!

இன்ஷா அல்லாஹ், ஒவ்வொரு 3 மாதங்களுக்கு ஒருமுறை வெவ்வேறு தலைப்புகளில் தமிழக அளவில் கட்டுரைப் போட்டி நடத்தி, இஸ்லாமியர்கள் சந்திக்கும் பிரச்சனைகளையும், அதற்கான தீர்வையும் நம் மக்களில் இருந்தே பெற்று, அந்த தீர்வை நோக்கி பயணம் செய்யும் விதமாக இந்த போட்டிகள் நடைபெறும் இன்ஷா அல்லாஹ்.

"கல்விக்கான தேடலில் தமிழக முஸ்லீம் சமூகம் சரியான திசையில் செல்கிறதா?"

இதுதான் முதல் போட்டியின் தலைப்பு!

ஏன் இந்த தலைப்பு..???

இன்று உலக அளவில் ஏற்பட்டு வரும் மாற்றங்களை உற்று நோக்கினால், கல்வியின் முக்கியத்துவத்தை உணர்வது யாருக்கும் கடினமான ஒரு
பணியாக இருக்காது. உலகின் இந்த அசாதாரணமான வளர்ச்சியின் ஆணி வேர் கல்வியே ஆகும்! அத்தகைய முக்கியத்துவம் வாய்ந்த கல்வியில் நமது தமிழக இஸ்லாமிய சமுதாயம் எந்த அளவில் இருக்கிறது என்பதை உங்களில் இருந்தே அறியும் பொருட்டே இந்த தலைப்பு.

கட்டுரை எழுத ஆரம்பிக்கும் முன் எங்களின் எதிர்ப்பார்ப்பு என்ன என்பதை புரிந்துக் கொள்வது உங்களுக்கு நன்மை பயக்கக் கூடும்.....

* இஸ்லாத்தின் பார்வையில் கல்வியின் முக்கியத்துவம்
* கல்வியில் நமது சமூகத்தின் இன்றைய நிலை
* ஆக்கப்பூர்வமான கல்வி என்பது என்ன?
* அதை அடைய நம்மிடையே வசதி, வாய்ப்புகள் உள்ளனவா?
* வசதி, வாய்ப்பு இல்லை எனில் எவ்வாறு அதை உருவாக்குவது?
*  உருவாக்குவதற்கான சாதக, பாதகங்கள் என்ன?

இதுபோன்ற விஷயங்களை உள்ளடக்கி உங்கள் கட்டுரை வரும்படி முயற்சி செய்யுங்கள்.

* இதில் இல்லாத புதிய ஐடியாக்கள் இருந்தால் அவை பெரிதும் வரவேற்கப்படுகின்றது.

போட்டிக்கான விதிகள்:

1. கட்டுரையின் கருத்துக்க‌ள், குர்ஆன் மற்றும் ஆதாரப் பூர்வமான ஹதீஸ்களின் அடிப்படையில் மட்டுமே இருக்கவேண்டும். அவற்றிற்கு அப்பாற்பட்ட கருத்துக்கள் இஸ்லாத்தின் பெயரால் சேர்க்கப்பட்டிருந்தால் அவற்றிற்கு மதிப்பெண்கள் கண்டிப்பாக குறைக்கப்படும்.
2. இந்த போட்டிக்கு வயது வரம்பு கிடையாது. யார் வேண்டுமென்றாலும் கலந்துக் கொள்ளலாம்.
3. கட்டுரைகளை ஈமெயில் வாயிலாக மட்டுமே அனுப்பவேண்டும்.
4. 6 பேர் கொண்ட நடுவர் குழு கட்டுரைகளைத் தேர்ந்தெடுக்கும்.
5. நடுவர்களின் தீர்ப்பே இறுதியானது என்பதை சொல்லவும் வேண்டுமோ???
6. எந்த கட்டுரையையும் ஏற்றுக்கொள்ளும் அல்லது நிராகரிக்கும் உரிமை நடுவர் குழுக்கு உண்டு.
7. கட்டுரைகள் வந்து சேர வேண்டிய கடைசி நாள்: டிசம்பர் 31 , இந்திய நேரம் இரவு 11.59 வரை.
8. முடிவுகள் இன்ஷா அல்லாஹ்  ஜனவரி 7 முதல் ஜனவரி 10  இரவுக்குள்  இஸ்லாமிய பெண்மணி தளத்தில் அறிவிக்கப்படும்.
9. வெற்றியாளர்கள் ஃபோன் மற்றும் ஈமெயில் மூலம் தெரியப்படுத்தப்படுவார்கள்.
10. பரிசுகள் இன்ஷா அல்லாஹ், ஜனவரி 15  க்குள் வழங்கப்படும்.
11. முதல் மூன்று பரிசு பெரும் கட்டுரைகள் இஸ்லாமிய பெண்மணியில் வெளியிடப்படும்.
12. வரும் எந்த கட்டுரையையும் வெளியிடும் உரிமை இஸ்லாமிய பெண்மணிக்கு உண்டு.
13. இங்கு வரும் கட்டுரைகள் வேறு இடங்களில் வெளி வந்ததாகவோ அல்லது வெளியீட்டுக்காக அனுப்பப்பட்டதாகவோ  இருக்கக்கூடாது.
14. காபி, பேஸ்ட் கட்டுரைகள் ஏற்றுக் கொள்ளப்படமாட்டாது. அவ்வாறு ஏற்றுக் கொள்ளப்பட்டு பரிசும் அறிவிக்கப்பட்டு, அதன்பின் தெரிய வந்தால், பரிசுத் தொகை வழங்கப்படமாட்டாது.
15. வெற்றி பெறுபவர்கள் பெண்களாக இருந்தால், அவர்கள் விரும்பி , இஸ்லாமிய பெண்மணியின் அட்மின்களும் விரும்பும் பட்சத்தில் தொடர்ந்து இஸ்லாமிய பெண்மணி தளத்தில் கட்டுரைகள் எழுதிக்கொடுக்க அனுமதிக்கப்படுவார்.
பிற்சேர்க்கை : 16. இப்போட்டியில் முஸ்லீம் முஸ்லீம் அல்லாதோர் என யார் வேண்டுமென்றாலும் கலந்துக்கொள்ளலாம்.


கட்டுரைகளை அனுப்ப வேண்டிய ஈமெயில் முகவரி : contest@islamiyapenmani.com

அனுப்ப வேண்டிய முறை : (இதில் வரும் விபரங்கள் நிச்சயம் பாதுகாப்பாக இருக்கும், எனவே சகோதரிகள் பயப்பட வேண்டாம் )

உங்கள் பெயர்:
தந்தை/காப்பாளர் பெயர் :
வீட்டு முகவரி(விருப்பம் இருந்தால்):
ஃபோன் நம்பர்:
உங்கள் வயது(விருப்பம் இருந்தால்) :
ஊர் பெயர்:
அதன் பின் கட்டுரை


பரிசு விபரம்:‍‍‍‍

முதல் பரிசு: 5,000 ரூபாய்
இரண்டாம் பரிசு: 3,000 ரூபாய்
மூன்றாம் பரிசு: 2,000 ரூபாய்

வேண்டுகோள்: சகோஸ்...! இது உலக அளவில் இருக்கும் தமிழக முஸ்லிம்கள் அனைவருக்கும் சென்றடைய வேண்டும், ஒவ்வொரு கிராமத்தில் இருந்தும், உலகின் ஒவ்வொரு மூலை, முடுக்களில் இருந்தும் நம் மக்கள் பங்கு பெற வேண்டும் என்ற தனியாத ஆர்வத்தில் செய்கிறோம். இது அனைவரையும் சென்றடைய உங்கள் ஒத்துழைப்பு வேண்டும். உங்களால் முடிந்த அனைத்து வழிகளிலும் ஷேர் செய்யுங்கள். உங்கள் உற்றார், உறவினர்கள் மற்றும் நண்பர்களை பங்குபெற ஊக்கப்படுத்துங்கள். ஊக்கப்படுத்துவதற்கான நன்மையை இறைவன் நம் அனைவருக்கும் அளிப்பானாக.. ஆமீன்...!

ஒரு குடும்பமாய் செயல்படுவோம்!!! புதிய மாற்றங்களை உண்டாக்குவோம்!!!!! இன்ஷா அல்லாஹ்!!!!!!!!
read more "இஸ்லாமியப் பெண்மணி மற்றும் டீக்கடை முகநூல் குழுமம் இணைந்து நடத்தும் கட்டுரைப் போட்டி"

Wednesday, November 14, 2012

ஆண் பாவம்..




"ஆத்தா என்ன புள்ள பொறந்திருக்கு”
 ”ஆண்குட்டிதான்டி பிறந்திருக்கான்” 
"அப்பாடா இப்பதான்டிமா நிம்மதியாயிருக்கு" [எதுக்கு?? ஒரு அடிமை சிக்கிட்டான்ன்னா]
”அடடே ஆண்குழந்தையா போயிட்டுபோகுது ஆத்தா 2 பொட்டப்புள்ள இருக்குன்னு நெனச்சேன் இதாவது ஆணா பொறந்துச்சே"

நீங்க ஹைடெக் சிட்டில இருக்குறவரா இருந்தா இந்த வாசகம்லாம் உங்கள் காதுகளில் விழுந்திருக்க வாய்ப்பில்லை.... ஆனால் இன்றும் அதிகப்படியாக ஒலிக்கும் வசனங்கள் தான் இவையெல்ல்லாம்... ஒரு குழந்தை பிறந்தா அது பெண்ணாக இருக்க கூடாது என்பது இவர்களின் முதன்மை எண்ணம்... பொட்டப்புள்ளையா பொறந்தா எம்பூட்டு நல்லதுன்னு இவுகளுக்கென்ன தெரியும். அண்ணாவோடது தம்பியோடது அப்பாவோடது என எல்லா சொத்துக்களிலும் பங்கு வந்துருமுல்ல? பல அம்மாக்கள் சுரண்டியாவது கொடுத்திடமாட்டாங்க :-)
 

எங்க,எப்ப  புள்ள பொறந்தாலும் முதல் கேள்வி ஆணா? ஏன் எல்லா எடத்திலேயும் ஆணா? ஆணா?ன்னு கேட்கிறார்கள்????? அதன் ரகசியம் அறிந்தால் கண்ணா ஆணா பொறக்க ஆசையா இல்லையாங்குறது தெரியும்...எதுவா பிறக்கனும் என்பது நம்மிடத்தில்லை நல்லவேளை..

காதிர் இப்னு உபைத் அறிவிக்கிறார்கள்: ஆயிஷா ரலி அவர்கள் யாருக்காவது குழந்தை பிறந்தால் அது ஆணா, பெண்ணா என்று கேட்க மாட்டார்கள். மாறாக, அக்குழந்தை ஆரோக்கியமாக இருக்கிறதா என்றே விசாரிப்பார்கள். ஆம் என்று யாரும் பதில் சொன்னால், அல்ஹம்துலில்லாஹி ரப்பி ஆலமீன் என்று கூறுவார்கள் (சஹீ புகாரி: நற்பண்புகள் நூல் 1261)
 

விசயத்திற்க்கு வருவோம். ஆனானப்பட்டவர்கள் அனைவருமே முதலில் பிறக்கும் குழந்தை ஆணாக இருக்கவேண்டும் என்றே விரும்புகிறார்கள் [ஒரு சிலர்களைத்தவிர எங்களைபோல்] ஆண்மகனாக பிறப்பது அடுத்தவர்களுக்கு வேண்டுமெனில் ஆனந்தமாக இருக்கலாம் ஆனால்  பல ஆண்மகன்களுக்குள் இருக்கும் மனநிலை ஏண்டா ஆணாய் பிறந்தோம்மென்று  [சிலருக்குள் இல்லாமலிருக்கும்] ..
 

ஆண்கள் மீது எனக்கு தனிப்பட்ட மதிப்பு மரியாதை....[சிலரைத்தவிர] ஏனென்றால்? 

ஆண் என்பவன் அதிகராம் செய்பவன்,ஆதிக்கம் செலுத்துபவன் ஆணவம் கொண்டவன் என்றெல்லாம் சொல்லி சொல்லி ஆண்கள் எல்லாம் பெண்களை அடக்ககூடியவர்களாக  ஒரு தோற்றத்தை ஏற்படுத்தியிருக்கிறது நம் சமூகம்!  இருக்கலாம், இருந்துவிட்டு போகட்டும். அதைமீறிய செயல்கள் அவர்களிடத்தில் இருக்கிறது. தந்தையாக! கணவனாக! மகனாக! ஒரு ஆண் எத்தனை பொறுப்புகள் வகிக்கவேண்டியிருக்கிறது? எத்தனை சிரமங்கள்,கஷ்டங்கள் சங்கடங்கள் துயரங்களென்று படவேண்டியிருகிறது?  உரலுக்கு ஒருபக்கம்தான் இடி ஆனால் மத்தளத்திற்க்கு? அதுபோல்தான் ஆண்களின் நிலை...
 

ஆண்குழந்தை வேண்டுமென்று ஆசைப்படுவதும் ஆண்குழந்தை வேண்டும் ஆண்குழந்தை வேண்டும் என்று வேண்டி உருகுவது எதற்க்கு? அவர்களை தனி கவனம் செலுத்தி வளர்ப்பதெதற்க்கு?  தங்கள் மகனை சீரும் சிறப்புமாய் கேட்பதெல்லாம் கொடுத்து வளர்த்து தங்கள் கிட்ட இல்லாட்டியும் கடன்வாங்கி மகனை நல்லபடியா படிக்கவச்சு, வெளிநாட்டில் வேலைக்கு போக உதவியும் செய்து ஆளாக்கிவிடுறாங்களே...  அது எதுக்கு? அவன் எதுவேணுமுன்னா செய்யட்டும்  எல்லாம் பெரியவனானதும் சரியாகிவிடும்..அது இதுன்னும் அளவுகடந்த செல்லமா வளப்பாங்களே....அதெதுக்கு?  ஆட்ட ஆசை ஆசையா எதுக்கு புல்லு புண்ணாக்கு (ஓ அது மாட்டுக்குதானே சரி சரி] இலை,தழை பால் பலகாரமுன்னு கொடுத்து வளர்ப்பாங்க.. இத நான் சொல்லிதான் தெரியனுமாக்கும்..]   பின்னால் அவர்களை வலுவிலக்கச் செய்வதற்கா?அவர்களை சுயமாக சிந்திக்கவிடாமல் தடுப்பதற்கா? இல்லை அவன் உடல் பொருள் அனைத்தும் இழந்து பித்துபிடித்து அலைவதற்கா?

தவறில்லை தான்! பெற்ற மகன், அனைத்திற்கும் தங்களை சார்ந்து இருக்கவேண்டும் என்று எண்ணுவதில் தவறில்லை! அதேசமயம் அவனுக்கென்று ஒருமனம் இருப்பதை ஏன் அறிய தவறுகிறார்கள்? அதில் ஆசைகள் தனிப்பட்ட சில விசயங்கள் இருப்பதை ஏன் உணர மறுக்கின்றார்கள்?  


தான்பெற்ற குழந்தைகளிடம் தங்களுக்கில்லாத உரிமையா என்றெல்லாம் கேட்க்கக்கூடாது! இருக்கிறது... எல்லாம் ஒரு எல்லைக்குள்!!!! நீங்கள் பெற்றதாகவே இருக்கட்டும்! அதற்காக அவர்களின் விருப்பங்கள் எண்ணங்கள் எல்லாம் என்னாவது? திருமணம் ஆகும்வரை ஒரு ஆண் தன்மகனாக இருக்கிறான். ஆனபின்பு அவனும் அவனுடைய கடமை இன்னும் கூடுகிறது, இன்னொரு பெண்ணுக்கும், அவள் மூலம் பிறக்கும் தன் பிள்ளைகளுக்கும் அவன் பொறுப்பாளி ஆகின்றான்.

மகனாக இருக்கும்போது அவன் செய்யும் சேட்டை, தவறு, குற்றம், அனைத்தும் செல்லமாய் தெரியும் குடும்பத்திற்க்கு, அவன் திருமணம் ஆனதும் யதார்த்தமாய் வாய் தவறி ஒரு சொல்லை சொல்லிவிட்டாலும் கொலைகுற்றம் செய்ததுபோல் தண்டிக்கப்படுகிறான்! பல குடும்பங்களில் தன் மனைவியிடம் சிறந்த கணவனுக்கான பெரும்மதிப்பு மிக்க நற்சான்றிதழ் வாங்க முடியாததற்கு இந்த சூழ்நிலையே முக்கிய காரணம்! மனைவியை சமாளித்து சமாதானப்படுத்திவிடலாம் என்று தெரியும் ஆணுக்கு நன்றாகவே தெரியும் தன் அம்மா, சகோதரிகளின் வசையிலிருந்து தப்ப முடியாது என்று! மனைவி மட்டும் கொடுக்கும் நற்சான்றிதழா அது???? நபி (ஸல்) அவர்கள் 'உங்களில் சிறந்தவர் மனைவியிடத்தில் சிறந்தவரே' என்று ஆணுக்கு சொன்ன தகுதியல்லவா அது??? 


வாரி வாரி கொடுத்தபோதும் வசைபாடப்படுகிறான். வருடமுழுவதும் அயராமல் அனுப்பியவன் ஒரு மாதம் அனுப்பத்தவறினாலும் அல்லோல்படுத்தபடுகிறான். இதைவிடக்கொடுமை, இருமகன்களாய் பிறக்கும் வீடுகளில் நடப்பது! ஒருகண்ணில் பால், மறுகண்ணில் சுண்ணாம்பு என்பதைபோல் கொடுக்கும் மகன் நடுவீட்டில்,கொஞ்சம் கொடுக்க இயலாத மகன் நடுத்தெருவில்! ஒருமகனை தாங்கோ தாங்கென்று தாங்கும் தாய் இன்னொரு மகனை ஏறேடுத்தும் பார்க்க மறுக்கிறது! அப்படியே பார்த்தாலும் அது ஊருக்காக! யாரும் எதுவும் சொல்லிவிடுவார்களோ என்று அதுவும் என் குழந்தைதான் என்கிறார்கள்.. யார் எது சொன்னபோதும்  தாங்கிக்கொள்ளும் ஒரு மகனால் தன் தாயே தன்னை மட்டம்தட்டும்போது கூனிக்குறுகிறான். சில பெற்றோர்கள் வசதியான மகனின் வீட்டில் தங்குவதை தான் விரும்புறாங்க...  இன்னொரு மகன் வசதியில்லாத காரணத்தால்!  ஏன் மீண்டும் சுமையை கொடுப்பானேன் என்ற உண்மையான நோக்கம் எனில் அல்லாஹ் நற்கூலி கொடுக்கட்டும்! ஆனால் தன் வசதி ஒன்றை மட்டுமே குறிகோளாய் கொண்டு வசதியற்றவனை ஒதுக்கும் போது வசதியற்றவனுக்கு வெறுப்பு தன் சகோதரன் மேல் தான் உண்டாகும்! அந்த வெறுப்பு பொறாமையை உண்டாக்கி உறவுக்குள் விரிசலை ஏற்படுத்தி வைக்கும்!
 நாயகம் (ஸல்) அவர்கள் கூறினார்கள், "உங்கள் குழந்தைகள் உங்களை கவுரவப்படுத்த வேண்டும் என்பது உங்களின் உரிமையாக இருப்பது போல, தாங்கள் சரிசமமாக நடத்தப்பட வேண்டும் என்பது உங்கள் குழந்தைகளின் உரிமையாகும்" (அபூதாவுத்)
சிலவீட்டில் இன்னும் மோசம். எவ்வளவு கொடுத்தாலும் இல்லையென்றே தூற்றுவார்கள்! என்னத்தை செய்தான்? ஏதோ கொஞ்சம் தந்தான் என குறைபடுபவர்கள் அநேகர்! மகனுக்கு மணமுடித்து மருமகள் வந்தபின்பு  தன்மகளுக்கு [கட்டிக்கொடுத்துவிட்டாலும் ]தன்மகனிடமிருந்து வரும் பணம் மற்றும் பொருள்களில் முக்கால்பங்கு தன்மகளுக்கென்று ஒதுக்கிவிட்டு கால்பங்கில் குடும்பத்திற்க்கே பங்கிடுகிறார்கள்.. இதனாலேயே பலகுடும்பங்கள் பகையாளியாகி உள்ளுக்குள் புகைந்துகொண்டு வெளியில் சமாளித்த வாழ்க்கை வாழ்க்கிறார்கள்.

திருமணம் முடிந்து வெளிநாடுபோய் மாசப்பணம் அனுப்பும்போது முதல் மாசம் ஓகே... அடுத்தடுத்த மாதங்களில்  "சரி இப்படியே போனா எப்படி? எங்களுக்கும் தனியா அனுப்புங்க" என்று சிணுங்கிய குரல் ஆரம்பிக்கும். அங்கேயிருந்து ஆரம்பிச்சிடுமுங்கோ இந்த மத்தளத்துக்கு ரெண்டுபக்க இடி அதுபோல்... பாவம் மனைவிக்கு அனுப்பலன்னா மனைவிக்கிட்ட திட்டு! மனைவிக்கு அனுப்பினா "போனதடவ துபை போயிருந்தப்ப நல்லாதான் இருந்தான் ஆனா இந்த தடவ ஏனோ இப்படியிருக்கான்! மாத்திபுட்டாம்மா மாத்திபுட்டா....அவன மயக்கி முந்தானையில் முடிஞ்சிட்டா... அவதான் முடிஞ்சான்னா இவனுக்கெங்கே போச்சி புத்தி.. ஆக சுத்தி சுத்தி ஆணுக்கு வந்து விழும் தலையில் சுத்தி [டங்குன்னு சத்தம் கேட்குதா :)

ஆண்குழந்தை பெற்றெடுத்து அதனை தங்களோடவே வைத்துக்கொண்டு அவனின் சம்பாத்தியம்.மற்றும் அவனின் தேவைகள் அனைத்தும் தங்களோடே இருக்க விரும்பும் பெற்றோர்களுக்கு! . வளர்த்து படிக்கவைத்து ஆளாக்கி வெளிநாடோ அல்லது உள்நாடோ சம்பாதிக்க வழியும் தேடிகொடுத்துவிடும் நீங்கள். அவனுக்கு திருமணம் என்ற ஒன்றைமட்டும் செய்யாதீர்கள்[அஸ்தஃபிருல்லாஹ்...அப்புறம் வழி தவறிபோய்விட்டான் என்றெல்லாம் குற்றம் சொல்லி ஒப்பாரிவைக்கூடாது சொல்லிப்புட்டேன்]. ஏனெனில் அது உங்களுக்கும் உங்கள் மகனுக்கும் இடைவெளியை ஏற்படுத்துகிறது என்ற நீங்கள் நினைக்கிறீர்கள்? என்று அதற்காக சொல்கிறேன் திருமணம் செய்யாதீர்கள் என்று]


ஒரு குழந்தையை பெற்றால் மட்டும் போதாது அதற்குண்டான தேவைகளை நிறைவேற்றத்தான் இறைவன் தாயாக தந்தையாக படைத்துள்ளான். நாம் செய்த செய்யும் அத்தனைக்கும் கைமாறு எதிர்பார்த்தால் எப்படி? நாம் வளர்க்கும் நம்குழந்தைகள் நமக்கு நல்லது செய்யநினைக்கும் ஆனால் நம்முடைய சில செய்கைகள் அதனை தடுக்கவும் வழிவகுக்கும் என்பதை மறக்காதீர்கள்!
இறுதித்தூதர் மேலும் கூறினார்கள், "உங்கள் குழந்தைகளிடம் நீதியை கடைபிடியுங்கள்", இதனை மூன்று முறை திரும்ப சொன்னார்கள் (முஸ்லிம்)
ஆண் அவன் குடும்பத்தை தாங்கும் அரண். அவனை ஆட்டம் காணவைத்துவிட்டு குடும்பமே பூகம்பம் வந்துவிட்டதுபோல் ஆ[ட்]டிவிடாதீர்கள்.. பெண்களே உங்களைத்தான்! நீங்கள் தாயாக மனைவியாக மகளாக எதுவாக இருக்கும்பட்சத்தில் ஆண் என்ற அன்புக்கு அடைக்கலம் கொடுக்காவிட்டாலும் அணுசரனையாகவாவது நடந்துக்கொள்ளுங்கள்..[என்னது அடைக்கலம்கூட இல்லையா ஏண்டா இந்த பொறப்பு பொலம்புவது கேட்குது ஹா ஹா]... நாமெல்லாம் ஆறுதலாக இருக்க கூடியவர்கள் தானே... அவ்வாறு தானே இறைவனும் மனைவிக்கான கடமையாக குர்-ஆன்னில் கூறியுள்ளான்?
நீங்கள் அவர்களிடம் ஆறுதல் பெறுதற்குரிய (உங்கள்) மனைவியரை உங்களிலிருந்தே உங்களுக்காக அவன் படைத்திருப்பதும்; (அல்குர்ஆன் 30:21) 
சம்பாதிப்பதும் அதனை தன் குடும்பத்திற்காக செலவு செய்வதும் ஆணின் கட்டாயக்கடமை! அதிலிருந்து ஆண் தவறிவிடுவானேயால் நாளை இறைவனிடத்தில் குற்றம் அவனைச்சார்ந்ததே! வசதியாக இருக்கும் தன்மகனை ஒரு மாதிரியாகவும் வசதியற்றவனை ஒரு மாதிரியாகவும் பார்ப்பது பெற்றோர்களுக்கு ஆகுமான செயல் அல்ல இறைவனிடத்தில் கட்டாயம் பதில்சொல்லவேண்டிவரும். அதேபோல் பாகுபாடுபார்த்து குடும்பசொத்துகளிலும் ஏமாற்றுவது பெரும்பாலான இடங்களில் நடைபெறுகிறது. உண்மையான அன்போடு அக்கரையோடு பெற்று வளர்த்திருப்பார்களேயால் அப்படி செய்யமாட்டார்கள். தான்பெற்ற பிள்ளைகளுக்கே துரோகம் இழைக்கமாட்டார்கள்.
நுமான் இப்னு பஷீர் அறிவிக்கின்றார்கள், "என் தந்தை, அவருடைய செல்வத்திலிருந்து எனக்கு பரிசு பொருட்களை அளித்தார். ஆனால் என் தாயார் அம்ரா பின்த் ரவாஹாவோ 'நாயகம் (ஸல்) அவர்கள் இதற்கு சாட்சியாக இருக்கும்வரை இதனை நான் அங்கீகரிக்க மாட்டேன்" என்று கூறிவிட்டார். ஆகையால், என் தந்தை நாயகம் (ஸல்) அவர்களிடம் சென்று அந்த பரிசுப்பொருளுக்கு சாட்சியாக இருக்கும்படி கேட்டார். அப்போது இறைத்தூதர் அவர்கள் 'இது போலவே உங்களின் அனைத்து குழந்தைகளுக்கும் செய்தீரா?' என்று கேட்டார்கள். 'இல்லை' என்று என் தந்தை பதிலளித்தார். 'அல்லாஹ்வை அஞ்சிக்கொள்ளுங்கள். உங்கள் குழந்தைகளிடம் நீதியை பேணுங்கள்' என்று இறுதித்தூதர் கூற, என் தந்தை திரும்பி வந்து எனக்கு அளித்த பரிசுப் பொருட்களை திரும்ப பெற்றுக்கொண்டார்கள்" (புஹாரி, முஸ்லிம்)
அன்புள்ள குடும்பமே உங்கள் பிள்ளைதான் இல்லையென்று சொல்லவில்லை. ஆனால் உங்களைப்போன்ற ஒரு ஜீவனுக்கும் அவன் உறவான பின் நீங்கள் எப்படி உன் பிள்ளையிடத்தில் எதிர்பார்ப்பீர்களோ அப்படியே அவளும் உங்கள் பிள்ளையிடத்தில்  எதிர்பார்ப்பாள் என்பதை உணர்ந்தீர்கள் என்றால் ஆண் ஆணாக அன்பானவனாக இருப்பான். இல்லையென்றால்..... அத நான் வேறு சொல்லனுமா. அந்தர்பெல்டி அடிப்பான். பொய்வேசம் போடுவான். குரங்காட்டியிடம் மாட்டிய குரங்குபோல் ஆவான். செடுசெடு சிடுமூஞ்சியாவன்  சின்ன சின்ன பிரச்சனைக்கும் சிக்கிமுக்கியாகுவான். ஆகமொத்ததில் ஆண் பாவமாவான்..
ஆண்பாவம் பொல்லாததுங்கோ இது நாசொல்லல பின்னாடியிருந்து சொல்ல சொல்லுறாவோ.. ஹா ஹா

ஆணுக்கும் மனமுண்டு
அதில்
ஆத்மார்த்தங்கள் அடங்கிடப்பதுண்டு
----------------
அன்புடன் மலிக்கா
முத்துப்பேட்டை
read more "ஆண் பாவம்.. "

Wednesday, October 24, 2012

தன்னம்பிக்கையின் சிகரம்-இப்ராஹீம் (அலை)



பேரரசனும்,பேரறிஞனுமாகிய எந்த ஒரு குறையுமின்றி
அகிலங்களை படைத்தவனை புகழ்ந்து ஆரம்பிக்கின்றேன்....

வாழ்க்கையே போரடிக்குது பா..... என்ன லைப் இது.....??? எனக்கு மட்டும் ஏன் இப்டிலாம் நடக்குது.....??? நான் பட்ட கஷ்டம் யாருமே படக்கூடாது பா....??

என்னை போல கஷ்டப் பட்டவங்க யாருமே இல்லை...!!!
ஆண்டவனுக்கு கண்ணே இல்லையே....!!!
நான் யாருக்கு என்ன துரோகம் பண்ணுனேன்....???
ஊரை அடிச்சு உலையில போட்டவன் எல்லாம் நல்லா இருக்கான்...!!!??

நான் பாட்டுக்கும் நான் உண்டு என் வேலை உண்டுன்னு இருக்கேன்.... எனக்கு மட்டும் இவ்ளோ கஷ்டத்தை ஏன்
அந்த ஆண்டவன் கொடுக்கிறான்???னு
தினமும் நாம் புலம்பிக் கொண்டு இருக்கிறோம்.

இவ்வுலகம் என்பது ஒரு சோதனைக்களம்.உதாரணத்திற்கு நாம் ஒரு தேர்வு கூடத்திற்குள்  சென்றால் நமக்கு வினா தாள் கொடுக்கப் படும். அதில் ஒரு மார்க் கொஸ்டின்,இரண்டு மார்க் கொஸ்டின், ஐந்து மார்க் கொஸ்டின்,பத்து மார்க் கொஸ்டின், இருபது மார்க் கொஸ்டின் என வகை வகையாக பிரிக்கப் பட்டு வினாக்கள் கேட்கப் பட்டிருக்கும். 

ஒரு மார்க் கொஸ்டின் ஈசியோ ஈசியாக இருக்கும். மதிப்பெண்ணின் தரத்திற்கேற்ப வினாக்கள் கடுமையாக இருக்கும்.... பத்து மார்க் கொஸ்டின் படிச்ச மாறி இருக்கும். முதல் வரி மறந்து போயிருக்கும்....இருபது மார்க் கொஸ்டின் பார்த்தாலே பயங்கரமா இருக்கும்.

அது போல சோதனைக் கூடமான இந்த உலகத்தில்
நமக்கு கொடுக்கப்படும்
சோதனைகளுக்கும் மதிப்பெண்கள் கொடுக்கப்படுது.ஒரு மார்க்,
இரண்டு மார்க் கொஸ்டின்  போல உள்ள கஷ்டம் எல்லாம் அட்டெண்ட் பண்ணிருவோம்...ஆனால்,இந்த பத்து மார்க்,இருபது மார்க் கொஸ்டின்போல இருக்கே கஷ்டம்....அது ரொம்ப கஷ்டமா இருக்கும்.
இருபது மார்க் கொஸ்டின் போல கஷ்டங்கள்  நம்மிடம் கண்டிப்பாக இருக்கும். அதில் எவ்வாறு பொறுமையோடு இருக்கிறோம்  என்பதை பொறுத்துதான் நம் மறுமை வாழ்வு இருக்கும்.

சோதனைகளும்,சிரமங்களும் இல்லாமல்  சொர்க்கம் போக முடியாது.
யாரை அல்லாஹ் விரும்புகிறானோ அவரை  சோதிக்கிறான்’’னு
நபி ஸல் அவர்கள் கூறுகிறார்கள்.
இவ்வளவு சிரமங்களையும் தாண்டித்தான்  சொர்க்கம் போக
முடியுமானு நாம மலைச்சு போய்டுவோம்.... 

நமக்கு முன்னாடியே அல்லாஹு ரப்புல் ஆலமீன்
ஒருத்தரைப் படைச்சு அவருக்கு எக்ஸாமுக்கு மேல எக்ஸாமா வச்சு
அவரும் எல்லாம் எக்ஸாமிலும் பாஸ் ஆயி அல்லாஹ்வின் நெருங்கிய
தோழரும் ஆயிட்டாரு. அல்லாஹ் அவரை நமக்கு எல்லாம் இமாமுன் முத்தக்கீன்(பயபக்தியாளர்களின் முன்மாதிரி)னு சிறப்பிச்சு சொல்றான். 


ஒவ்வொரு நாளும் 5 வேளைத் தொழுகையிலும் அவருக்குக் கொடுக்கப்பட்ட அருளும், பரக்கத்தும் நமக்கு வேண்டும்னு துஆ செய்றோம்....
நாம் அனைவரும் போக பேராசைப்படும்  சொர்க்கத்தின் கதவை தட்டி முதல் முதலாக நுழையப்போகும்  நம் தலைவர் நபி ஸல் அவர்கள் கூட அவருக்கு கொடுக்கப்பட்ட அருளும்,பரகத்தும் தனக்கும் வேண்டி து ஆ செய்துள்ளார்.

உண்மையில் அவர்தான் தன்னம்பிக்கையின் சிகரம்....
அஞ்சா நெஞ்சன்.....
எவ்வளவு கஷ்டங்கள் வந்தாலும் தன்னந்தனி
ஆளாக நின்னுவாழ்க்கையில் ஜெயித்துக்காட்டியவர்...
இறைவனின் தோழர் இப்ராஹீம் அலை அவர்கள் ....
அப்படிஎன்ன காரியம்தான் செய்தார்கள்...



வார்த்தைகளில் நல்லறங்களை உபதேசித்தால் மட்டுமே  மனிதர்கள் உத்தமர்களாக மாறிவிடுவார்களா??என்றால் இல்லை என்பதுதான் பதில்.வழிப்பாதைக்கு மட்டுமல்லாமல் வாழ்க்கைபாதைக்கும் வழிகாட்டிகள் தேவைப்படுகிறார்கள்.

என்னைப்போல உள்ள ஒரு மனிதனாலும் இப்படியெல்லாம் வாழ முடிகின்றது-என்கிற உணர்வுதான் உத்வேகமாக மாறி அவனைத் தூண்டிவிடுகின்றது.இவரால் முடிகின்றபோது நம்மால் மட்டும் ஏன் முடியாதுஎன்ற நம்பிக்கை அவன் மனதில் இடம் பிடிக்கின்றது.
ஆகையால்தான் இறைத்தூதர்கள் அனுப்பப் பட்டுள்ளார்கள்.

இப்றாஹீமிடமும், அவரோடு இருந்தவர்களிடமும், நிச்சயமாக உங்களுக்கு ஓர் அழகிய முன்மாதிரி இருக்கிறது.அல்குர் ஆன் -60:4.

அச்சு பிசகாமல் அடி பிறழாமல் மக்களால் பின்பற்றப்படுகின்ற தலைமையே வழிகாட்டியேஉஸ்வா என சொல்லப்படும்.

நாம் பின்பற்றவேண்டிய உஸ்வாக்கள்என வான்மறை இருவரை மட்டுமே குறிப்பிடப்படுகிறது.
அந்த இருவர் மட்டுமே தன்னம்பிக்கையின் சிகரங்கள்....அவர்களை பின்பற்றவேண்டும் என்பதற்காகதானே ஒவ்வொரு நாளும் ஐந்து வேளை தொழுகையிலும் ஸலவாத்தில் அவர்கள் இருவரையும்நினைவு கூறுகிறோம்....
உஸ்வா.....ஆம்...அழகிய முன்மாதிரி என இப்ராஹீம் அலை,முஹம்மது நபிஸல் அவர்களையும் ரப்பு குறிப்பிடுகிறான்.

சிலைகளை வணங்கிய தன் தந்தைக்கு அழைப்புபணி செய்கிறார்....
தன் சமுதாய மக்களிடம் அழைப்புப்பணி செய்கிறார். சிந்தனையை உசுப்பிவிடும் கேள்விகளை கேட்டு அம்மக்களை சிந்திக்க செய்கிறார்.

அதற்கு இப்றாஹீம்) கூறினார்: “நீங்கள் அவற்றை அழைக்கும் போது, (அவை காதுகொடுத்துக்) கேட்கின்றனவா?“அல்லது அவை உங்களுக்கு நன்மை செய்கின்றனவா; அல்லது தீமை செய்கின்றனவா? (எனவுங் கேட்டார்).26:72,73.

இறைவனை ஏற்க மறுப்பவர்களின் அறிவுவாசலை எப்படியாவது தட்டித்திறந்து விட வேண்டும் என்பதுதான் ஓர் இறை நம்பிக்கையாளரின் லட்சியமே தவிர அவர்களை வாதத்தில் வீழ்த்தி வாயடைக்க செய்வது அல்ல....
தந்தையின் எதிர்ப்பு....
ஊர் மக்களின் எதிர்ப்பு....அந்நாட்டு அரசனின் எதிர்ப்பு....தீக்குண்டத்தில் போடும்போதும் தன்னந்தனியாக அதை எதிர்கொண்டவர்....ஊரை விட்டு வெளியேறி மனைவியோடு ஹிஜ்ரத்....வயதான காலத்தில் தான் குழந்தைபேறு....

குழந்தை பிறந்தவுடன் பச்சிளம்பாலகனை,மனைவியோடு பாலைவனத்தில் விட்டு விடச் சொல்லி அல்லாஹ் கட்டளையிட்டவுடன் உடனே அதை நிறைவேற்றிய முன்மாதிரி....

அவருடைய மனைவி ஹாஜரா அலை அவர்களிடத்திலும் மிக அழகிய முன்மாதிரி உள்ளது...கணவன் பாலவனத்தில் விட்டு செல்லும்போது,


’’இப்ராஹீமே,இறைவன் சொல் கேட்டா இவ்வாறு செய்கிறீர்கள்’’ என கேட்ட போது ’’ஆமாம்’’ என பதில் அளித்தார்கள்....


’’அப்படியென்றால் அல்லாஹ் எங்களைக் கண்டிப்பாக கைவிட மாட்டான்’’....

இப்படிகூறியது ஒரு பெண் என அனைவரும் நினைவில் வைப்போம்...
வீடு,வாசல்,வசதி என சுகபோகமாக இருக்கும்பெண்கள்...
சிறு சிறு விசயங்களுக்கெல்லாம் அழும் பெண்கள் ஹாஜரா அலை அவர்களைமுன்மாதிரியாக எடுத்துக்கொள்ளவேண்டும்...

சொல்லி அழ ஆள் இல்லை...
உதவி செய்ய ஆள் இல்லை...

வானம் பார்த்த பூமிதான் வீடு....
குடிக்க தண்ணீர் வசதி இல்லை..
அடுத்த வேளை சாப்பிட உணவு இல்லை....
தன் கணவர் எப்பொழுது திரும்வி வருவார் என தெரியாது...


பிள்ளையின்  தண்ணீர் தாகத்துக்கு என ஸஃபா,மர்வாக்கிடையே ஓடிய அந்த வீரப்பெண்மணிக்கு இறைவன் கொடுத்த பரிசே ஜம்ஜம் நீருற்று.

ஹஜ்ஜூக்கு செல்லும் ஆண்கள் முதற்கொண்டு எல்லோரும் ஸஃபா,மர்வாக்கிடையே தொங்கோட்டம் ஓடுவது இந்த வீரப்பெண்மணியின்  செயலை நினைவூட்டத்தான்.....

பெண்களை குறை சொல்லும் ஆண்கள் இப்படி தன்னந்தனியாக ஒரு ஆணால் இக்காலத்தில் இருக்க முடியுமா என யோசிக்க வேண்டும்....


இப்ராஹீம் அலை அவர்கள் அவர்களுக்காக  ஒரு அழகிய பிரார்த்தனைசெய்கிறார்கள்....

“எங்கள் இறைவனே! நிச்சயமாக நான் என் சந்ததியாரிலிருந்தும், சங்கையான உன் வீட்டின் (கஃபாவின்) அருகே, விவசாயமில்லாத (இப்)பள்ளத்தாக்கில், எங்கள் இறைவனே! - தொழுகையை அவர்கள் நிலை நிறுத்தாட்டுவதற்காகக் குடியேற்றியிருகின்றேன்; எனவே மக்களில் ஒரு தொகையினரின் இதயங்களை அவர்கள்பால் சாய்ந்திடச் செய்வாயாக! இன்னும் அவர்கள் நன்றி செலுத்தும் பொருட்டு கனிவர்க்கங்களிலிருந்து அவர்களுக்கு நீ ஆகாரமும் அளிப்பாயாக.....14:37.இப்றாஹீமிடமும், அவரோடு இருந்தவர்களிடமும், நிச்சயமாக உங்களுக்கு ஓர் அழகிய முன்மாதிரி இருக்கிறது.அல்குர் ஆன் -60:4.

அவரின் அழகியபிரார்த்தனையை இறைவன் ஏற்றுக்கொண்டான்...


வாழ்நாள் எல்லாம்  இறைப்பணிக்காக கஷ்டப்பட்டு  சொல்லமுடியாத 
துன்பங்களைஎல்லாம்சகித்துக்கொண்டுஊரையும்,நாட்டையும்,
உறவுகள் யாவையும்  விட்டு இத்தனை வருடம் பிள்ளை இல்லாமல் இருந்து அந்த பிள்ளை பிறந்த உடன் பாலைவனத்தில் கொண்டு சென்று விட்டு இறைக்கட்டளையை நிறைவேற்றியவருக்கு அடுத்த சோதனை காத்திருந்தது....


தான் பெற்ற மகனை பலி கொடுக்கச்சொன்னால் நாம் செய்வோமா??
இல்லை...நம்முடைய மகன் தான் ஒத்துக்கொள்வானா??
இல்லை...நம்முடைய மனைவி ஏற்றுக்கொள்வாரா??
“எங்கள் இறைவா! எங்கள் மனைவியரிடமும், எங்கள் சந்ததியரிடமும் இருந்து எங்களுக்குக் கண்களின் குளிர்ச்சியை அளிப்பாயாக! 
இன்னும் பயபக்தியுடையவர்களுக்கு எங்களை இமாமாக (வழிகாட்டியாக) ஆக்கியருள்வாயாக! என்று பிரார்த்தனை செய்வார்கள்.25 :74.
ஆம்....இது இப்ராஹீம் நபி அலை செய்த துஆ...
எப்படிப்பட்ட கண்குளிர்ச்சியான குடும்பத்தை ரப்புல் ஆலமீன் 
அவருக்கு பரிசாக கொடுத்துள்ளான்... 

பின் (அம்மகன்) அவருடன் நடமாடக்கூடிய (வயதை அடைந்த) போது அவர் கூறினார்: “என்னருமை மகனே! நான் உன்னை அறுத்து பலியிடுவதாக நிச்சயமாகக் கனவு கண்டேன். இதைப்பற்றி உம் கருத்து என்ன என்பதைச் சிந்திப்பீராக!” (மகன்) கூறினான்; “என்னருமைத் தந்தையே! நீங்கள் ஏவப்பட்டபடியே செய்யுங்கள். அல்லாஹ் நாடினால் - என்னை நீங்கள் பொறுமையாளர்களில் நின்றுமுள்ளவனாகவே காண்பீர்கள்.”37:102.

மகனை அறுக்கும் பரிட்சையிலும் இப்ராஹீம் வென்றார்....

அதற்கு பதிலாகதான் ஆட்டை அறுத்து குர்பானி கொடுத்தார்.
அவரின் தியாகத்தை நினைவு கூறத்தான் குர்பானி கொடுக்கிறோம்.
வருடம் இருமுறை கொண்டாடும் பெருநாளில் ஒரு பெருநாளே 
இப்ராஹீம் அலை அவர்களின் தியாகத்தை நினைவு கூறத்தான்.....

இப்படிப்பட்ட தலைவரைக்கொண்டுதான் அல்லாஹு 
தன் இறையில்லத்தை உயர்த்தினான்....
அவர்நின்றுதொழுத இடத்தை 
மகாமு இப்ராஹீம் என சிறப்பித்துகூறுகிறான்.
அவரும்அவர் மனைவியும் செய்த அமல்களே 
நாம் ஹஜ்ஜில் செய்கிறொம்....

 மேலும், எவர் நன்மை செய்யக்கூடிய நிலையில் அல்லாஹ்வுக்கு முற்றிலும் வழிபட்டு, இப்றாஹீமுடைய தூய மார்க்கத்தையும் பின் பற்றுகிறாரோ அவரைவிட அழகிய மார்க்கத்தை உடையவர் யார்? இன்னும் அல்லாஹ் இப்றாஹீமை தன் மெய்யன்பராக எடுத்துக் கொண்டான்.அல்குர் ஆன் 4:125

என்று பல நூற்றாண்டுகளாக குர் ஆன் மனித சமுதாயத்தைப் பார்த்துக்கேட்கிறது.

இப்ராஹீமுடைய மார்க்கத்தைப் புறக்கணிப்பவன் யார்?-தன்னைத் தானே தாழ்த்திக் கொள்பவனைத் தவிர; நிச்சயமாக நாம் அவரை(த் தூய்மையாளராக) இவ்வுலகில் தேர்ந்தெடுத்தோம்; நிச்சயமாக அவர் மறுமையில் நல்லடியார் கூட்டத்திலேயே இருப்பார்.

அவரிடம் அவருடைய இறைவன் “(என்னிடம் முற்றிலும் வழிபட்டவராகச்) சரணடையும்” என்று சொன்னபோது அவர், “அகிலங்களின் இறைவனுக்கு முற்றிலும் வழிபட்டோனாகச் சரணடைந்தேன்” என்று கூறினார்.அல்குர் ஆன்.2:130,131.



முஸ்லிமின் லட்சியமே இறைவனுக்கு கீழ்படிவதுதான்....
வேறு வார்த்தைகளில் சொல்வது என்றால் இப்ராஹீமைப்போல வாழ்!!
 இப்ராஹீம் என்னும் ஒற்றைமனிதரைப் பார்த்து உம்மத் என அல்லாஹ் கூறுகிறான்....


(இன்னும் இதையும் எண்ணிப்பாருங்கள்;) இப்ராஹீமை அவருடைய இறைவன் சில கட்டளைகளையிட்டுச் சோதித்தான்; அவற்றை அவர் முழுமையாக நிறைவேற்றினார்; நிச்சயமாக நான் உம்மை மக்களுக்கு இமாமாக(த் தலைவராக) ஆக்குகிறேன்” என்று அவன் கூறினான்; அதற்கு இப்ராஹீம் “என் சந்ததியினரிலும் (இமாம்களை ஆக்குவாயா?)” எனக் கேட்டார்; என் வாக்குறுதி(உம் சந்ததியிலுள்ள) அநியாயக்காரர்களுக்குச் சேராது என்று கூறினான்.2:124.

அல்லாஹ் வைத்த எல்லா சோதனைகளிலும் வெற்றி பெற்றார்.

அதனால்தான் அல்லாஹ் அவரை உலக மக்களுக்கு தலைவராக ஆக்கியுள்ளான்.

இறைவனின் நண்பரான இப்ராஹீம் அலை அவர்களுக்கு ஏற்ப்பட்ட சோதனைகளுக்கு முன் நாம் கஷ்டப்படுவது எல்லாம் ஒரு விசயமே அல்ல....

எந்த ஒரு கஷ்டம் ஏற்படும்போதும் இப்ராஹீம் அலை அவர்களின் சோதனைகளைசிந்தித்தால் நம் கஷ்டங்களும்,துன்பங்களும் லேசாகத்தெரியும்.

அல்லாஹ் நம்மை வாழும்போது முஸ்லிமாகவும்,மரணிக்கும்போதும் முஸ்லிமாகவும்,மறுமையில் எழுப்பும்போதும் முஸ்லிமாக ஆக்க அருள்புரிவானாக!

ஆமின்!!!!


read more "தன்னம்பிக்கையின் சிகரம்-இப்ராஹீம் (அலை)"